އިންޖީނު ހުއްޓުނު ލޯންޗަކަށް އެމްއެންޑީއެފުން އެހީތެރިވެދީފި
މިއީ ގައްދޫ އިން ތިނަދޫއަށް ދިޔަ ފެރީ ލޯންޗެއް
އެމްއެންޑީއެފް ކޯސްޓްގަރޑް
ގދ. ތިނަދޫއިން ފުރައިގެން ގދ. ގައްދޫއަށް ދަތުރުކުރި ލޯންޗެއްގެ އިންޖީނު ހުއްޓުމާގުޅިގެން އެ ލޯންޗުގައި އޮތް ހާލު ބޮޑު ބަލި މީހަކަށް އެމްއެންޑީއެފް އިން އެހީތެރިކަން ފޯރުކޮށްދީފި އެވެ.
މި ލޯންޏަށް އެމްއެންޑީއެފްގެ ސަދަން އޭރިއާ ކޯސްޓްގާޑް ސްކޮޑްރަންގެ އެހީތެރިކަމާއެކު ގދ.ތިނަދޫ އަށް ގެންގޮސްދީފައިވާ ކަމަށް އެމްއެންޑީއެފް އިން ބުނެ އެވެ. އެމްއެންޑީއެފް އިން ބުނީ މި ލޯންޗުގެ މައުލޫމާތު ލިބިފައިވަނީ ހޮނިހިރު ދުވަހުގެ ރޭ ގާތްގަނޑަކަށް 20:13 ހާއިރު ކަމަށެވެ.
މި ހާދިސާގެ މައުލޫމާތު ލިބުމާ އެކު ގއ. ކޫއްޑޫގައި އޮތް އެމްއެންޑީއެފް ސަދަން އޭރިއާ ކޯސްޓްގާޑް ސްކޮޑްރަންގެ ހާބަރ ކްރާފްޓް ލޯންޗު ވަނީ އިންޖީނު ހުއްޓުނު "އޭއޭ ސްޕީޑް" ލޯންޗު ކައިރިއަށް ގޮސްފައިކަމަށް އެމްއެންޑީއެފް އިން ބުނެ އެވެ.
މި ގޮތުން އެލޯންޗުގައި އޮތް ހާލު ބޮޑު ބަލި މީހަކާއި ލޯންޗުގައި ދެން ތިބި މީހުން ސަލާމަތްތެރިކަމާއެކު ގދ. ތިނަދޫއަށް ގެންގޮސްދީފައިވާ ކަމަށް އެމްއެންޑީއެފް އިން ބުނެ އެވެ. އަދި ހާލު ބޮޑު ބަލި މީހާ ވަނީ ގދ.ތ ިނަދޫ ހޮސްޕިޓަލަށް ގެންގޮސް އިތުރު ފަރުވާ ދޭން ފަށާފައިވާ ކަމަށް އެމްއެންޑީއެފް އިން ބުނެ އެވެ.
މި ހާދިސާ ހިނގާފައިވަނީ ގއ އަތޮޅުގައި އޮންނަ ރޮބިންސަން މޯލްޑިވްސް ރިސޯޓު ކައިރިންނެވެ. މި ހާދިސާ ހިނގި އިރު ލޯންޗުގައި 2 ފިރިހެންނުންނާއި 6 އަންހެނުން ތިއްބެވެ. އިންޖީނު ހުއްޓުނު އޭއޭ ސްޕީޑް ލޯންޗަކީ އަތޮޅު ތެރޭގައި ބޭނުންކުރާ ފެރީ ލޯންޗެއް ކަމަށް އެމްއެންޑީއެފް އިން ބުނެ އެވެ.
