ރާއްޖެ
މޯލްޑިވްސް ޕޮލިސް ސަރވިސް
މަހިބަދޫއިން ވަގަށް ނެގި 46،000އަށް ވުރެ ގިނަ ފައިސާ ހޯދައިފި
ފުލުހުން ހައްޔަރު ކޮށްފައިވަނީ 25 އަހަރުގެ ފިރިހެނެއް
ތަހާރަތު މުހައްމަދު ވަހީދު, ރާއްޖެ އެމްވީ | 16 އޯގަސްޓު 2019 | ހުކުރު 08:06
އދ. މަހިބަދޫ
އދ. މަހިބަދޫ ގެއަކުން ވަގަށް ނެގި 46،000އަށް ވުރެ ގިނަ ފައިސާ ފުލުހުން ހޯދައިފިއެވެ.
ފުލުހުން ބުނީ ބުރާސްފަތި ދުވަހުގެ ހަވީރު މަހިބަދޫ ގެއަކުން ވައްކަން ކޮށްގެން ރިޕޯޓް ކޮށްފައިވާ ކަމަށެވެ. އަދި އެމައްސަލަ ބަލަން ފެށިތާ 7 ގަޑިއިރާއި 30 މިނިޓް ތެރޭގައި ފުލުހުން ވަގަށް ނެގި ތަކެތި ހޯދާފައިވާ ކަަމަށެވެ.
މަހިބަދޫ ގެއިން ވަގަށް ނަގާފައިވަނީ 46،000ރ. އާއި 84 ޑޮލަރެވެ.
މިމައްސަލާގައި ފުލުހުން ހައްޔަރު ކޮށްފައިވަނީ 25 އަހަރުގެ ފިރިހެނެކެވެ.
