ކޮފީ ބުއިމަށް ލޯބިކުރާ ފަރާތްތަކަށް ހާއްސަކޮށް، ބާރ 2000 ކޮފީ ލޯންޗްކޮށްފި

ކޮފީ ބުއިމަށް ލޯބިކުރާ ފަރާތްތަކަށް ހާއްސަކޮށްގެން، ބާރ 2000 ކޮފީ ލޯންޗުކޮށްފިއެވެ.

ރާއްޖޭގެ ނަން މަޝްހޫރު ރެސްޓްރޯންޓެއް ކަމުގައިވާ، ކޮމްފުޑްއާ ގުޅިގެން ރާއްޖެއަށް މުޅިން އަލަށް ތައާރަފް ކުރި ބާރ 2000 ރާއްޖެ އެތެރެ ކުރަނީ ސްލޮވޭނިއާއިންނެވެ. މި ކޮފީގެ ފަސް ފްލޭވަރއެއް ހިމެނެއެވެ. އެއީ އެކްސްޓްރާ، ސުޕްރީމް، ތަރަބޭ، ޕްރޮފޯމޮޓޯ އަދި ސުޕްރީމްއެވެ.

ބާރ 2000ގެ ފަރާތުން ރާއްޖެއެމްވީއަށް މައުލޫމާތު ދެއްވަމުން އައިޝަތު ނަތާޝާ ވިދާޅުވީ މައިގަނޑު އަމާޒަކީ ކޮފީ ލަވަރސް އަށް ކޭޓާ ކުރުން ކަމަށެވެ.

ކުރިއަށް އޮތްތާގައި ކޮމްފުޑްގެ އިތުރުން އެހެން ކެފޭތަކާ ރެސްޓޯރެންޓްތަކަށް ބާރ 2000 ކޭޓާ ކުރަން ހިޔާލުކުރައްވާ ކަމަށްވެސް ނަތާޝާ ވިދާޅުވިއެވެ.

މި އިވެންޓުގައި ރާއްޖޭގެ ބައެއް މިއުޒިކީ ފަންނާނުން ވަނީ ހިތްގައިމު ގިނަ ލަވަތައް ހުށަހަޅާދީފައެވެ. އަދި އާންމުންގެ ގިނަ އަދަދެއްގެ މީހުންވެސް މި އިވެންޓުގައި ބައިވެރިވެ ބާރ 2000 ކޮފީގެ ފްލޭވަރ ތަކަށް އިންސާފުކުރިކަން ފާހަގަކޮށްލެވެއެވެ.