އެންސްޕާއިން ކުރަމުންދާ މަސައްކަތްތަކުގެ މައުލޫމާތު ކޮމިޓީއާ ހިއްސާކޮށްފި
އެންސްޕާގެ މަސައްކަތްތަކަށް ހުރި ދަތިތައް ހިއްސާކޮށްފައިވޭ
އެންސްޕާގެ ބޭފުޅުން އިޖުތިމާއީ ކޮމިޓީ މެމްބަރުންނާ ބައްދަލުކުރެއްވުން
ނޭޝަނަލް ސޯޝަލް ޕްރޮޓެކްޝަން އޭޖެންސީ (އެންސްޕާ) އިން ކުރަމުންދާ މަސައްކަތްތަކުގެ ތަފްސީލު ރައްޔިތުންގެ މަޖިލީހުގެ އިޖުތިމާއީ ކޮމިޓީއާއި ހިއްސާކޮށްފިއެވެ.
އެންސްޕާއިން ކުރަމުންދާ މަސައްކަތްތަކުގެ މައުލޫމާތު އިޖުތިމާއީ ކޮމިޓީއާއި ހިއްސާކުރުމަށް އަންގާރަ ދުވަހު ބޭއްވި ކޮމިޓީ ބައްދަލުވުމުގައި އެންސްޕާގެ ސީއީއޯ އިސްމާއިލް އައްޒާމް ވަހީދާއި، ޑެޕިއުޓީ ސީއީއޯ ރުޤިއްޔާ މުހައްމަދާއި، ޑިރެކްޓަރ ސުނީތާ އަބްދުﷲ އާއި، އެސިސްޓެންޓް ޑިރެކްޓަރ ނޫރުލްހުދާ ހުސައިންއާއި، ލީގަލް އޮފިސަރ އިސްމާއިލް ޝާރިއު ވެސް ބައިވެރިވެ ވަޑައިގެންފައިވެއެވެ.
މި ބައްދަލުވުމުގައި އެންސްޕާގެ މަސައްކަތްތައް ކުރިއަށްދާ ގޮތާއި، ހުރި ގޮންޖެހުންތަކާ ގުޅޭގޮތުން މަޝްވަރާ ކުރައްވާފައިވާއިރު، އެންސްޕާ ހިންގުމުގައި މަޖިލިސް މެދުވެރިކޮށް ކުރަންޖެހޭ ކަންކަމުގައި ކޮމިޓީގެ މެމްބަރުންގެ ފުރިހަމަ އެއްބާރުލުން ދެއްވާނެކަން މެމްބަރުން ވެސް ވަނީ ފާހަގަ ކުރައްވާފައެވެ.
ދެފަރާތުން މަޝްވަރާކުރެވުނު ބައެއް ކަންކަން:
އޭގެ އިތުރުން، ޤާނޫނީ ގޮތުން ހުރި ދަތިތައް އެންސްޕާއިން މަޝްވަރާ ކުރުމަށް ފަހު ކޮމިޓީއާ ހިއްސާކުރަން ކޮމިޓީން އެދިފައިވާއިރު، އެ ކަންކަމަށް މަޝްވަރާ ކުރުމަށް ފަހު ގެންނަން ޖެހޭ އިސްލާހެއްވާނަމަ އެކަން ކޮމިޓީ މެދުވެރިކޮށް ކުރައްވާނެ ކަމަށް ކޮމިޓީގެ މުޤައްރިރު ވަނީ ވިދާޅުވެފައެވެ.
މުޤައްރިރު އިތުރަށް ވިދާޅުވީ،އެންސްޕާއާއި ގުޅުންހުރި ޤާނޫނެއްގެ މަސައްކަތް މަޖިލީހުގައި ކުރިއަށްދާނަމަ އެ މައުލޫމާތުތައް ކޮމިޓީތަކާއި ހިއްސާކުރައްވާނެ ކަމަށާއި، އެކަންކަން އިޖުތިމާއީ ކޮމިޓީ މެދުވެރިކޮށް އެންމެ ފުރިހަމައަށް ކޮށްދެއްވުމަށް މަސައްކަތް ކުރައްވާނެ ކަމަށެވެ.
