'އަންވެއިލިންގ ވިޝަންސް 2019' އެގްޒިބިޝަންއަށް ކުރީގެ ރައީސް މައުމޫން ޒިޔާރަތް ކުރައްވައިފި
6 އޯގަސްޓު 2019 | އަންގާރަ 04:51ރައީސް މައުމޫން ވަނީ އެގްޒިބިޝަންގައި ބައިވެރިވި ފަންނުވެރިންގެ މަސައްކަތްތައް ބައްލަވާލައްވައި، ފަންނުވެރިންނަށް ހިތްވަރު ދެއްވާފަ
ރާއްޖޭގެ ކުރީގެ ރައީސުލް ޖުމްހޫރިއްޔާ އަލްއުސްތާޒް މައުމޫން އަބަދުލް ގައްޔޫމް \'އަންވެއިލިންގ ވިޝަންސް 2019\' އެގްޒިބިޝަންއަށް ކުރެއްވި ޒިޔާރަތުގެ ތެރއިން
'އަންވެއިލިންގ ވިޝާންސް 2019' އެގްޒިބިޝަނަށް ރާއްޖޭގެ ކުރީގެ ރައީސް މައުމޫން އަބްދުލް ގައްޔޫމް ޒިޔާރަތްކުރައްވައިފިއެވެ.
ހޯމަ ދުވަހު އެގްޒިބިޝަނަށް މި ކުރެއްވި ޒިޔާރަތުގައި ރައީސް މައުމޫން ވަނީ އެގްޒިބިޝަންގައި ބައިވެރިވި ފަންނުވެރިންގެ މަސައްކަތްތައް ބައްލަވާލައްވާ، ފަންނުވެރިންނަށް ހިތްވަރު ދެއްވާފައެވެ.
އޮގަސްޓް މަހުގެ ތިނަކުން ހަތަކަށް ނެޝަނަލް އާރޓް ގެލަރީގައި ކުރިއަށް ގެންދާ މި އެގްޒިބިޝަން އަކީ ރާއްޖޭގެ އާރޓިސްޓުންގެ ކޮންޓެމްޕަރަރީ އާޓް ދައްކާލުމުގެ ގޮތުން ބާއްވާ އެގްޒިބިޝަންއެކެވެ. މި އެގްޒިބިޝަންގައި 55 ވިޝުއަލް އާރޓިސްޓުންގެ މަސައްކަތްތައް ފެނިގެންދާނެއެވެ.
މިއީ މިއެގްޒިބިޝަން ބާއްވާ ތިން ވަނަ ފަހަރެވެ. 'އަންވެއިލިންގ ވިޝަންސް' ގެ އެންމެ ފުރަތަމަ އެގްޒިބިޝަން ބާއްވާފައިވަނީ 2017 ވަނަ އަހަރުއެވެ.
