އަޟްހާ އީދުތެރޭ ބަންދުވާ ދުވަސްތަކުގެ ތެރެއިން އޮގަސްޓް 14 ވާ ބުދަ ދުވަހު ބޭންކް އޮފް މޯލްޑިވްސް (ބީއެމްއެލް) ގެ ހިދުމަތް ދޭން ނިންމާފައިވާ ކަމަށް އެ ބޭންކުން ބުނެފިއެވެ.
ބީއެމްއެލުން ބުނެފައިވަނީ ކުރިއަށް އޮތް ހަފްތާގެ ބުދަ ދުވަހު ބޭންކްގެ ހުރިހާ ބްރާންޗުތަކެއް ހުންނާނީީ ހުޅުވާފައި ކަމަށާ މިހެން ނިންމާފައިވަނީ އީދު ޗުއްޓީގައިވެސް ބީއެމްއެލްގެ ކަސްޓަމަރުންނަށް އެންމެ އެކަށީގެންވާ ގޮތަށް ބޭންކިން ހިދުމަތް ފޯރުކޮށްދިނުމަށްޓަކައި ކަމަށެވެ.
މީގެ އިތުރުން، ޑިޕޮސިޓް ކުރުމާއި ފައިސާ ނެގުމާއި ފައިސާ ފޮނުވުމުގެ ހިދުމަތް، ރާއްޖޭގެ އެކި ކަންކޮޅުތަކުގައި ބޭންކުން ގާއިމްކޮށްފައިވާ 46 ސެލްފް ސާވިސް ބޭންކިން ސެންޓަރު މެދުވެރިކޮށް އީދު ބަންދު ތެރޭ 24 ގަޑި އިރު ލިބޭ ގޮތަށް ބޭންކުން ވަނީ ހަމަޖައްސާފައެވެ.
އީދާއި ދިމާކޮށް ބެންކު ބަންދުކުރި ނަމަވެސް ބޭންކްގެ އޭޓީއެމް ނެޓްވޯކްތަކާއި އިންޓަނެޓްގެ ހިދުމަތުގެ އިތުރުން މޯބައިލް ބޭންކިން ހިދުމަތް ލިބެން ހުންނާނެއެވެ.
