ކްރިމިނަލް ކޯޓާއި ބެހޭ ރިޕޯޓު މަކުނުދޫ ކޯޓާ ހަވާލުކޮށްފި
4 އޯގަސްޓު 2019 | އާދީއްތަ 12:13ރިޕޯޓު ހަވާލުކޮށްދީފައިވަނީ އެ ކޯޓުގެ އެޑްމިނިސްޓްރޭޓިވް އޮފިސަރ ވަސީމާ އަބްދުލް އަލީމްއާ
ރައީސް ނަޝީދު ރިޕޯޓް ހަވާލުކުރައްވަނީ
ރައްޔިތުން މަޖިލީހުގެ ރައީސް، ރައީސް މުހައްމަދު ނަޝީދު ޖުޑިޝަލް ސަރވިސް ކޮމިޝަން (ޖޭއެސްސީ)ން ނެރެފައިވާ ކްރިމިނަލް ކޯޓާއި ބެހޭ ރިޕޯޓު, ހދ. މަކުނުދޫ މެޖިސްޓްރޭޓް ކޯޓާއި ހަވާލު ކޮށްފިއެވެ.
ކޮމިޝަނުގެ މެންބަރެއްގެ މަގާމު ވެސް ފުރުއްވަމުން ގެންދަވާ، ރައީސް ނަޝީދު އެ ރިޕޯޓު ހަވާލުކޮށްދީފައިވަނީ އެ ކޯޓުގެ އެޑްމިނިސްޓްރޭޓިވް އޮފިސަރ ވަސީމާ އަބްދުލް އަލީމްއާއެވެ. އެމަނިކުފާނު އެ ކޯޓާއި ހަވާލު ކޮށްދެއްވާފައިވަނީ ކޯޓުތަކުގައި ހިނގާ މައްސަލަތައް ނުނިމި އާދަޔާ ހިލާފަށް ދިގުދެމިގެންދާ މައްސަލަ ބެލުމަށް ޖޭއެސްސީން އެކުލަވާލި ކޮމިޓީން ތައްޔާރުކޮށްފައިވާ ކްރިމިނަލް ކޯޓުގެ ނުނިމި ހުރި މައްސަލަތަކާއި ބެހޭ ރިޕޯޓެވެ.
ޖޭއެސްސީން ހޯމަ ދުވަހު ނެރުނު ބަޔާނުގައި ބުނެފައިވަނީ މި ރިޕޯޓް ތައްޔާރުކުރުމުގައި އެކޯޓުގައި މައްސަލަތައް ހިނގާފައިވާ މިންވަރާއި، ނުހިންގި ނުވަތަ ހުއްޓިފައި ހުރި މައްސަލަތަކުގެ މިންވަރުގެ އިތުރުން އެކޯޓުގައި މައްސަލަތައް ބެލުމަށް ބޭނުންވާ އެންމެހާ ވަސީލަތްތައް ހުރިނެތްގޮތް ބަލާފައިވާނެ ކަމަށެވެ.
ޖޭއެސްސީން ބުނެފައިވާ ގޮތުގައި އެކޯޓުން މިހާރު ވާނީ ހުރިހާ މެޖިސްޓްރޭޓް ކޯޓުތަކުގައިވެސް ނުނިމި ހުރި މައްސަލަތަކާއި ބެހޭ ގޮތުން މައުލޫމާތު ހޯދުމަށް އެދިފައެވެ.
