މެޑިސިން ދާއިރާއިން ދިވެހިންނަށް ހުރި ފުރުސަތުތަކާއި ގުޅޭ ގޮތުން މަޝްވަރާ ކުރައްވައިފި
އެކި ދާއިރާތަކުން މަތީ ތައުލީމް ހާސިލްކުރަން ބޭނުންވާ ދިވެހި ކުދިންނަށް ހުރި ފުރުސަތުތަކާއި ގުޅޭ ގޮތުންވެސް ވަނީ މަޝްވާކުރައްވާފައި
ލަންކާގެ ހަޔަރ އެޑިއުކޭޝަން މިނިސްޓަރ ސަފީރު އުމަރު އަބްދުއްރައްޒާގު ބައްދަލުކުރައްވަނީ
މެޑިސިން ދާއިރާއިން މަތީ ތައުލީމް ހާސިލް ކުރަން ބޭނުންވާ ދިވެހި ކުދިންނަށް ލަންކާގައި ހުރި ފުރުސަތުތަކާއި ގުޅޭ ގޮތުން، ލަންކާގެ މިނިސްޓަރ ފޯރ ޕްލޭނިންގ ވޯޓަރ ސަޕްލައި އެންޑް ހަޔަރ އެޑިޔުކޭޝަން ރައޫފް ހަކީމް އާއި، ދިވެހިރާއްޖެއިން ސްރީލަންކާއަށް ކަނޑައަޅުއްވާފައިވާ ސަފީރު އުމަރު އަބްދުއްރައްޒާގު މަޝްވަރާ ކުރައްވައިފިއެވެ.
މި ބައްދަލުކުރެއްވުމުގައި ލަންކާގެ ޔުނިވަރސިޓީތަކުން, އެކި ދާއިރާތަކުން މަތީ ތައުލީމް ހާސިލްކުރަން ބޭނުންވާ ދިވެހި ކުދިންނަށް ހުރި ފުރުސަތުތަކާއި ގުޅޭ ގޮތުންވެސް، ދެ ބޭފުޅުން ވަނީ މަޝްވަރާކުރައްވާފައެވެ.
ލަންކާގައި އެކި ޔުނިވަރސިޓީތަކުގައި ގިނަ އަދަދެއްގެ ދިވެހި ކުދިން އަންނަނީ މަތީ ތައުލީމް ހާސިލްކުރަމުންނެވެ. ނަމަވެސް މެޑިސިން ދާއިރާއިން، ލަންކާގައި މަތީ ތައުލީމް ހާސިލް ކުރަން ބޭނުންވާ ދިވެހި ކުދިންނަށް ، އެކި އުނދަގޫތަކާއި ވަނީ ކުރިމަތިލާންޖެހިފައިވެއެވެ.
ގައުމުން ބޭރުގައި އެންމެ ގިނަ އަދަދަކަށް ދިވެހިން އުޅޭ ގައުމަކީ ސްރީލަންކާއެވެ. ގާތްގަނޑަކަށް 20،000 (ވިހި ހާސް) އަށް ވުރެ ގިނަ މީހުން އެ ގައުމުގައި އެކި ބޭނުންތަކުގައި ދިރިއުޅެއެވެ.
