ރެއިންބޯގެ އޮންލައިން ސޭލް ފަށައިފި
ސޭލްގެ ދަށުން 50 އިންސައްތައާ ހަމައަށް ޑިސްކައުންޓް ލިބިގެންދާނެ
މި ސޭލް ކުރިއަށްދާނީ މި މަހުގެ ނިޔަލަށް
ރެއިންބޯގެ އޮންލައިން ސޭލް ފަށައިފިއެވެ.
މި ސޭލް އޮގަސްޓް އެއްވަނަ ދުވަހު ފަށާފައިވާއިރު ސޭލް ކުރިއަށްދާނީ އޮގަސްޓް މަހުގެ ނިޔަލަށެވެ. ސޭލްގެ ދަށުން ރެއިންބޯ އިން ވިއްކާ ޕްރޮޑަކްޓްތަކުން 50 އިންސައްތައާ ހަމައަށް ޑިސްކައުންޓް ލިބިގެންދާނެއެވެ.
ރެއިންބޯ އިން ބުނީ ރެއިންބޯ އޮންލައިން ސްޓޯރުން ގަންނަ ޕްރޮޑަކްޓްތައް މާލެ އަދި ހުޅުމާލޭގެ ކޮންމެތާކަށް ވެސް ހިލޭ ގެންގޮސްދޭނެ ކަމަށާއި ފަރުނީޗަރު ރާވައިދިނުމަށް އެއްވެސް އަގެއް ނުގަނާނެ ކަމަށެވެ.
ރެއިންބޯ އަކީ އާންމުންގެ މެދުގައި މަޤުބޫލް ޕްރޮޑަކްޓްތައް ވިއްކަމުންދާ ބަޔަކަށްވާއިރު ރެއިންބޯ އިން ދަނީ ތަފާތު އެކި ސޭލްތައް ހިންގަމުންނެވެ. އެގޮތުން ރެއިންބޯ އިން ދާދި ފަހުން ބޭއްވި ރޯދަ ސޭލްގެ ނަސީބުވެރިން ވެސް ވަނީ ހޮވާފައެވެ.
ރެއިންބޯ އެންޓަޕްރައިސަސްގެ ޖެނެރަލް މެނޭޖަރު، އަބްދުﷲ އަސްލަމް ވިދާޅުވީ މިއަހަރު އަދި އިތުރު ދެ ޕްރޮމޯޝަނެއް ކުރިއަށް ގެންދިއުމަށް ހަމަޖެހިފައިވާ ކަމަށާއި އެއީ އޮކްޓޯބަރުގައި ބޭއްވުމަށް ހަމަޖެހިފައިވާ އިޔަރ އެންޑް ޕްރޮމޯޝަން އަދި ޑިސެމްބަރުގައި ބޭއްވުމަށް ހަމަޖެހިފައިވާ އެނިވާސަރީ ޕްރޮމޯޝަން ކަމަށެވެ.
