ރައީސްގެ ދެކަނބަލުންނަށް ޝީޝެލްސްއިން ހޫނު މަރުހަބާއެއް
މިއީ އެގައުމުގެ ރައީސްގެ ދައުވަތަކަށް ކުރައްވާ ރަސްމީ ދަތުރުފުޅެއް
ރައީސް ސޯލިހްއަށް ސީޝެލްސްއިން މަރުހަބާ ދެންނެވުން
ރައީސުލްޖުމްހޫރިއްޔާ އިބްރާހީމް މުހައްމަދު ސޯލިހާއި އެމަނިކުފާނުގެ އަނބިކަނބަލުން ފަޒްނާ އަހްމަދަށް ސީޝެލްސްގެ ސަރުކާރުން ވަރަށް ހޫނު މަރްހަބާއެއް ދަންނަވައިފިއެވެ.
ހުކުުރު ދުވަހު ސީޝެލްސްގެ ރައީސްގެ ރަސްމީ އޮފީހުގައި ރައީސުލްޖުމްހޫރިއްޔާގެ ދެކަނބަލުންނަށް ރަސްމީގޮތުން މަރްހަބާ ދެންނެވުމުގެ ރަސްމިއްޔާތު ބާއްވާފައިވާއިރު، ރައީސުލްޖުމްހޫރިއްޔާގެ ދެކަނބަލުން ސީޝެލްސްގެ ރައީސްގެ އޮފީސްކޮޅަށް ވަޑައިގަތުމުން މަރްހަބާ ވިދާޅުވެފައިވަނީ ސީޝެލްސްގެ ރައީސް ޑެނީ ފޯރއެވެ.
މި ރަސްމިއްޔާތުގައި ރައީސް ސޯލިހުއާއި ސީޝެލްސްގެ ރައީސް ޕޯޑިއަމަށް އަރާވަޑައިގެންނެވުމުން ދިވެހިރާއްޖެއާއި ސީޝެލްސްގެ ޤައުމީ ސަލާން ކުޅެފައިވާއިރު، ރައީސްގެ ޝަރަފުގައި އޮތް ޝަރަފްގެ ގާޑްވެސް އެމަނިކުފާނު ވަނީ އިންސްޕެކްޓް ކޮށްދެއްވާފައެވެ. ދެޤައުމުގެ ސަރުކާރުގެ ފަރާތުން ބައިވެރިވެވަޑައިގަތް އޮފިޝަލުން ތައާރަފްކޮށް އެރުވުންވެސް ކުރިއަށް ގެންގޮސްފައިވެއެވެ.
ސީޝެލްގެ ރައީސްގެ ދައުވަތުފުޅަކަށް ކުރައްވާ މި ފުރަމާނަ ދަތުރުފުޅުގައި ރައީސްގެ ދެކަނބަލުން ވަނީ ރަސްމީ ފޮޓޯފުޅެއްގައިވެސް ބައިވެރިވެވަޑައިގެންފައެވެ. ރައީސުލްޖުމްހޫރިއްޔާ ސީޝެލްސްއަށް ކުރައްވަމުންގެންދަވާ މިދަތުރުފުޅަކީ ސީޝެލްސްގެ ރައީސްގެ ދަޢުވަތަށް ކުރައްވަމުންގެންދަވާ ފުރަމާނަ ދަތުރުފުޅެކެވެ.
