އޭސީސީގެ މެމްބަރުކަމަށް އެންމެ މަތިން މާކްސް ހޯއްދެވީ ޝަކީލް
29 ޖުލައި 2019 | ހޯމަ 12:41ފަސް ބޭފުޅުންގެ ނަން ވަނީ މަޖިލީހަށް ފޮނުވާފައި
އެންޓި ކޮރަޕްޝަން ކޮމިޝަން
އެންޓި ކޮރަޕްޝަން ކޮމިޝަންގެ މެމްބަރުކަމަށް ކުރިމަތިލެއްވި ފަރާތްތަކުގެ ތެރެއިން އެންމެ މަތިން މާކްސް އިބްރާހިމް ޝަކީލްއަށް ލިބިވަޑައިގެންފިއެވެ.
ޝަކީލަށް ލިބިވަޑައިގެންފައިވަނީ 77.7 ޕަސެންޓެވެ. ދެވަނައަށް އެންމެ މަތިން މާކްސް ލިބިވަޑައިގެންނެވީ އާދަމް ޝާމިލްއެވެ.
އޭސީސީގެ މެންބަރު ކަމަށް ކުރިމަތިލީ 12 މީހެކެވެ. އެސީސީގެ މެމްބަރު ކަމަށް ކުރިމަތިލެއްވި ނަންފުޅުތައް މިނިވަން މުއައްސަސާތަކުގެ ކޮމެޓީން ދިރާސާކޮށް އެންމެ މަތިން މާކްސް ލިބިވަޑައިގެންނެވި ފަސް ބޭފުޅުންގެ ނަންތައް ރައްޔިތުން މަޖިލީހުގެ ތަޅުމަށްވަނީ ފޮނުވާފައެވެ.
އެންމެ މަތިން މާކްސް ލިބިވަޑައިގެންނެވި ބޭފުޅުންނަކީ:
އިބްރާހިމް ޝަކީލް 77.7 ޕަސެންޓް،
އާދަމް ޝާމިލް 77.28 ޕަސެންޓް،
ފާތުމަތު އަނޫލާ 77.26 ޕަސެންޓް،
މަރިޔަމް ޝިއުނާ 76.97 ޕަސެންޓް،
އަދި އައިޝަތު އަބްދުﷲ 75.14 ޕަސެންޓެވެ.
އޭސީސީގެ މެންބަރު ކަމަށް ކުރިމަތިލާން މިދިޔަ މަހުގެ 24 ވަނަ ދުވަހު ހުޅުވާލީ އެ ކޮމިޝަންގެ ރައީސްގެ މަގާމުގައި ހުންނެވި ހަސަން ލުތުފީ ކޮމިޝަންގެ މެންބަރު ކަމުން އިސްތިއުފާ ދެއްވުމުންނެވެ. ހަސަން ލަތީފު ކޮމިޝަނުން އިސްތިއުފާ ދެއްވީ އޭނާ މަގާމުން ވަކިކުރަން މަޖިލީހުގެ ތަޅުމަށް ފޮނުވަން މަޖިލީހުގެ މިނިވަން މުއައްސަސާތަކުގެ ކޮމިޓީން ނިންމާފައި ވަނިކޮށެވެ.
