ޔޫސީއެސްއައި ޔުނިވަރސިޓީ ސްކޮލަރޝިޕަށް ކުރިމަތިލުމަށް ފުރުސަތު ހުޅުވާލައިފި

ހަޔަރ އެޑިޔުކޭޝަން މިނިސްޓްރީން ޔޫސީއެސްއައި ޔުނިވަރސިޓީ ސްކޮލަރޝިޕަށް ކުރިމަތިލުމަށް ފުރުސަތު ހުޅުވާލައިފިއެވެ.

ހަޔަރ އެޑިޔުކޭޝަނުން ބުނީ 14 ބެޗެލަރސް ޑިގްރީ، 05 މާސްޓަރސް ޑިގްރީ އަދި 02 ޕީއެޗްޑީ ކިޔެވުމަށް ހުޅުވާލާފައިވާ ކަމަށެވެ.

Advertisement

މެލޭޝިޔާގައި ކުރިއަށް ގެންދާ މިކޯސްތަކުގެ ތެރެއިން ބެޗްލަރސް ޑިގްރީގެ ޝަރުތަކީ ޖީ.ސީ.އީ އޯލެވެލްއާއި، އައި.ޖީ.ސީ.އެސް.ސީ އަދި އެސް.އެސް.ސީ އިމްތިޙާނުގެ 05 މާއްދާއިން 'ސީ' އިން ފެށިގެން މަތީ ގްރޭޑެއް ހާސިލު ކުރައްވާފައިވުން ހިމެނެއެވެ.

ހަޔަރ އެޑިޔުކޭޝަނުން ބުނީ އިއުލާނާއެކު ވެބްސައިޓްގައި އަޕްލޯޑް ކުރެވިފައިވާ ކޯސްތަކަށް ޔޫސީއެސްއައި ޔުނިވަރސިޓީއިން، ކަނޑައަޅާފައިވާ ޝަރުތު ފުރިހަމަވާން ވެސް ޖެހޭ ކަމަށާއި، ނަންބަރު 1 ގައި ބުނާ 5 މާއްދާގެ ތެރޭގައި އިނގިރޭސި ނުހިމެނޭނަމަ، އިނގިރޭސި ފާހެއް ހާސިލު ކުރައްވާފައިވުން ވެސް ޝަރުތުގެ ތެރޭގައި ހިމެނޭ ކަމަށެވެ.

ހަޔަރ އެޑިޔުކޭޝަނުން ބުނީ މާސްޓަރސް ޑިގްރީ ގެ ޝަރުތަކީ ބެޗެލަރސް ޑިގްރީއެއް ހާސިލު ކުރައްވާފައިވުމެވެ. އަދި ޕީއެޗްޑީގެ ޝަރުތުގެ ތެރޭގައި މާސްޓަރސް ޑިގްރީއެއް ހާސިލު ކުރައްވާފައިވުން ހިމެނޭ ކަމަށެވެ.

ހަޔަރ އެޑިޔުކޭޝަނުން ބުނީ ކޮލަރޝިޕްތަކަށް ހޮވޭ ފަރާތްތައް ކިޔެވުމަށް ހަމަޖެހިފައިވަނީ، މެލޭޝިޔާގެ "ޔޫސީއެސްއައި ޔުނިވަރސިޓީ"ގައި ކަމަށާއި، ސްކޮލަރޝިޕްތަކަށް ހޮވޭ ފަރާތްތަކުގެ ކޯސް ފެށުމަށް ހަމަޖެހިފައި ވަނީ 2019 ވަނަ އަހަރުގެ ސެޕްޓެމްބަރގައި ކަމަށެވެ.

މީގެ އިތުރުން ހަޔަރ އެޑިޔުކޭޝަނުން ބުނީ އިންޓޭކް ފެށެންވާއިރަށް ވިސާއާއި، ކޯހުގެ އެހެނިހެން ކަންކަން ހަމަނުޖެހޭނަމަ، ދެން އޮންނަ އިންޓޭކަކަށް ފަސްކުރެވޭނެ ކަމަށާއި، ސްކޮލަރޝިޕަށް ހޮވޭ ދަރިވަރުންގެ ފައިނަލް ސިލެކްޝަން ހެދުމަށް ހަމަޖެހިފައިވަނީ، "ޔޫސީއެސްއައި ޔުނިވަރސިޓީ" އިން ކަމަށެވެ.

ބެޗެލަރސް ޑިގްރީ ކޯސްތަކަށް ހުށަހަޅުއްވާ ދަރިވަރުންގެ ތެރެއިން، އެންމެ މަތިން ޕޮއިންޓް ލިބޭ 2 ދަރިވަރަކަށް ކޯސް ފީ މުޅިން ހިލޭ ވާނެ ކަމަށާއި، ބެޗެލަރސް ޑިގްރީ، މާސްޓަރސް ޑިގްރީ އަދި ޕީއެޗްޑީ ކޯސްތަކަށް ހޮވޭ ދަރިވަރުންގެ %10 ކޯސް ފީ ހިލޭ ވާނެ ކަމަށް ވެސް ހަޔަރ އެޑިޔުކޭޝަނުން ބުންޏެވެ. އަދި ކޯހުގެ ބާކީ ޚަރަދުތައް ހަމަޖައްސަވަން ވާނީ ދަރިވަރު އަމިއްލައަށް ވެސް ހަޔަރ އެޑިޔުކޭޝަނުން ބުންޏެވެ.

ހަޔަރ އެޑިޔުކޭޝަނުން ބުނީ އެޕްލިކޭޝަން ހުށަހެޅުއްވުމުގެ ސުންގަޑިއަކީ 06 އޮގަސްޓް 2019 ވާ އަންގާރަ ދުވަހުގެ 13:30 ގެ ކުރިން ކަމަށާއި، އެޕްލިކޭޝަން ހުށަހަޅަނީhttps://myedu.egov.mv/ޕޯޓަލް މެދުވެރިކޮށް ކަމަށެވެ.