ސައުދީ ރަސްގެފާނުގެ ބޭބެފުޅު ޕްރިންސް ބަންދަރް އަވަހާރަވެއްޖެ
އަވަހާރަވީ އުމުރުން 96 އަހަރުފުޅުގައި
ޕްރިންސް ބަންދަރު ބިން އަބްދުލް އަޒީޒް އަލް ސައުދު
ސައުދި އަރަބިޔާގެ ރަސްގެފާނު ސަލްމާން ބިން އަބްދުލް އަޒީޒް އަލް ސައުދްގެ އެއްބަފާ ބޭބޭފުޅުޕްރިންސް ބަންދަރު ބިން އަބްދުލް އަޒީޒްއަލް ސައުދު އުމުރުން 96 އަހަރުފުޅުގައި އަވާހަރަވެއްޖެެއެވެ. އެމަނިކުފާނު އަވަހާރަވިކަން މީޑިއާ އަށް ހާމަކޮށްފައިވަނީ ޕްރިންސް ފައިސަލް ބިން ތުރްކީ ޓްވިޓާ މެދުވެރިކޮށް އާދިއްތަ ދުވަހުގެރޭ ކުރެއްވި ޓްވީޓެއްގައެވެ.
ބަންދަރުގެ މައްޗަށް ކުރެވޭ ކަށުނަމާދު އޮންނާނީ ހޯމަ ދުވަހު މައްކާގެ މަސްޖިދުލް އަލް ހަރާމްގައި އިޝާނަމާދަށް ފަހުއެވެ. އެމަނިކުފާނަކީ ސައުދީ އާއިލާގެ މެމްބަރުންގެ ތެރޭގައި ހުންނެވި އެންމެ ދޮށީ ބޭފުޅާއެވެ.
އެމަނިކުފާނަކީ ސަރުކާރުގެ އެއްވެސް މަގާމެއް އަދާކޮށްފައިވާ ބޭފުޅެއް ނޫނެވެ. އެކަމަކު ދަރިކަލުން ވަނީ ސަރުކާރުގެ މަތީ މަގާމުތަކެއް އަދާކުރައްވާފައެވެ.
