އަގުހެޔޮ ކޮށް ފެއާނެސް ކްރީމް ވިއްކާ ކުންފުނިތަކާ ދެކޮޅަށް ޕާކިސްތާނުން ނިކުމެއްޖެ

އަގުހެޔޮކޮށް ފެއާނެސް ކްރީމް ވިއްކާ ކުންފުނިތަކާއި މެދު ފިޔަވަޅު އަޅާނެ ކަމަށް ޕާކިސްތާނު ސަރުކާރުން ބުނެފިއެވެ.

ޕާކިސްތާނުގެ ކްލައިމެޓް ޗެންޖު މިނިސްޓްރީގެ ސްޓޭޓް މިނިސްޓަރު ސަރްތާޖް ގުލް ވަޒީރު ވިދާޅުވީ، އަގުހެޔޮކޮށް ވިއްކާ ފެއާނެސް ކްރީމްގެ ސަބަބުން މީހުންގެ މޫނަށް ގެއްލުންވަމުންދާ ކަމަށެވެ.

ގުލް ވަޒީރު ވިދާޅުވީ، ޕާކިސްތާނަކީ މިނަމަތަ ކޮންވެންޝަން އޮން މާކިއުރީގެ މެމްބަރު ގައުމަކަށްވާ ހިނދު ކުންފުނިތަކުން ފެއާނެސް ކްރީމް އުފެއްދުމަށް ބޭނުންކުރާ ''އިންގްރިޑިއެންޓްސް'' ޓެސްޓު ކުރުުމުގެ މަސައްކަތް ކުރަމުންދާ ކަމަށެވެ.

އެގޮތުން މިހާތަނަށް ޓެސްޓު ކުރެވެނު 59 ބްރޭންޑްގެ ތެރެއިން ބައިނަލް އަގްވާމީ އޮނިގަނޑުތަކާ ފެތެނީ ތިން ބްރޭންޑެއް ކަމަށާއި، 56 ބްރޭންޑް އެ އޮނިގަނޑަށް ނުފެތޭ ކަމަށެވެ.

އެ އެއްޗެހި ވިއުްކާ ކުންފުނިތަކާއި މެދު ފިޔަވަޅު އަޅާނެ ކަމުގެ އިންޒާރު ގުލް ވަޒީރު ވަނީ ދީފައެވެ