މޮރިޝަސްގައި މިހާރު ކުރިޔައްދާ އިންޑިއަން އޯޝަން އައިލޭންޑް ގޭމްސްގައި ކުޅުނު ހުރިހާ މެޗަކުން ބަލިވެ ރާއްޖޭގެ ބާސްކެޓް ޓީމު މުބާރާތުން ކަޓައިފިއެވެ.

ސީސެލްސް އާއި ދެކޮޅަށް ރާއްޖޭގެ ގައުމީ ފިރިހެން ޓީމު ކުޅުނު މި މެޗުން ރާއްޖޭގެ ފިރިހެން ބާސްކެޓް ޓީމު ބަލިވީ 90 ޕޮއިންޓް 55 ޕޮއިންޓުންނެވެ. މިއީ މި މުބާރާތުގައި ރާއްޖެ ޓީމުގެ ފަރާތުން މި މުބާރާތުގައި ކުޅުނު އެންމެ މޮޅު ކުޅުން ފެނިގެން ދިޔަ މެޗެވެ.

މި މުބާރާތުގެ ފުރަތަމަ މެޗުގައި ރާއްޖޭގެ ބާސްކެޓް ޓީމު ނިކުތީ ރިޔޫނިއަން އާއި ދެކޮޅަށެވެ. އެ މެޗުން ރާއްޖެ ޓީމު ބަލިވީ 106 ޕޮއިންޓް 42 ޕޮއިންޓުންނެވެ. މުބާރާތުގެ ދެވަނަ މެޗުގައި ރާއްޖޭގެ ޓީމު ނިކުތީ މަޑަގަސްކަރ އާއި ދެކޮޅަށްށެވެ. މި މެޗުން ރާއްޖޭގެ ބާސްކެޓް ޓީމު ބަލިވީ 93 ޕޮއިންޓް 23 ޕޮއިންޓުންނެވެ.

ރާއްޖެޓީމުގެ ކޯޗު ބުނީ ސާބާ ޗެމްޕިއަންޝިޕަށް ދާއިރު މި މުބާރާތުގެ ސަބަބުން ރާއްޖޭގެ ކުޅުންތެރިންނަށް ތަޖުރިބާ ލިބޭނެކަމަށެވެ.