ޓެކްނިކަލް މައްސަލައަކާއި ގުޅިގެން މާލޭގެ ބައެއް ސަރަހައްދުތަކުން ކަރަންޓު ކެނޑިދާނެ: ސްޓެލްކޯ
މާލެ އިން ކަރަންޓު ކެނޑުމަކީ އާއްމު ކަމެއް
ސްޓެލްކޯ- ކ.މާލެ
އިންޖީނަކަށް ދިމާވެފައިވާ ޓެކްނިކަލް މައްސަލައަކާއި ގުޅިގެން މާލޭގެ ބައެއް ސަރަހައްދުތަކުން ކަރަންޓުގެ ޚިދުމަތް މެދުކެނޑިދާނެ ކަމަށް ސްޓޭޓް އިލެކްޓްރިކް ކޮމްޕެނީ (ސްޓެލްކޯ) އިން ބުނެފިއެވެ.
ބުދަ ދުވަހު ސްޓެލްކޯއިން ބުނީ، ސްޓެލްކޯއިން މާލެއަށް ކަރަންޓުގެ ޚިދުމަތް ދެމުންދާ 8.9 މެގަވޮޓްގެ އިންޖީނަކަށް ދިމާވެފައިވާ ޓެކްނިކަލް މައްސަލައަކާއި ގުޅިގެން މާލޭގެ ބައެއް ސަރަހައްދުތަކުން ކަރަންޓްގެ ޚިދުމަތް މެދުކެނޑިދާނެ ކަމަށެވެ.
ސްޓެލްކޯއިން ބުނީ ކަރަންޓު ކެނޑުމުގެ ސަބަބުން ކަސްޓަމަރުންނަށް ކުރިމަތިވެދާނެ ދަތިތަކަށް ނިހާޔަތަށް މާފަށް އެދޭ ކަމަށެވެ.
މާލޭގެ އެކި ހިސާބުތަކުން ކަރަންޓު ކެނޑިދާނެ ކަމަށް ސްޓެލްކޯއިން ބުނެފައިވާއިރު، އެ މައްސަލަ ހައްލުވާނެ އިރެއް ސްޓެލްކޯއިން ބުނެފައެއް ނުވެއެވެ.
ދޮޅު ލައްކަ އަށްވުރެ ގިނަ މީހުން ދިރިއުޅޭ މާލެ އިން ކަރަންޓު ކެނޑުމަކީ އާއްމު ކަމެކެވެ.
