އައިއޯއައިޖީ 2019: ޓީޓީ މިކްސް ޑަބަލްސް އިވެންޓުން ރާއްޖޭގެ ރަފާ އަދި ޒީސްތް ކުއާޓާ ފައިނަލަށް ދަތުރު ކޮށްފި
23 ޖުލައި 2019 | އަންގާރަ 13:06ގަދަ ސޯޅައިގައި ރާއްޖޭގެ ރަފާ އަދި ޒީސްތު ކުޅެފައި ވަނީ މަޑަގަސްކަރައިގެ ކުޅުންތެރިންނާއި ދެކޮޅަށް
ރަފާ
މޮރިޝަސްގައި ކުރިޔަށްދާ އިންޑިއަން އޯޝަން އައިލޭންޑް ގޭމްސްގެ ޓޭބަލް ޓެނިސް މިކްސް ޑަބަލަސް އިވެންޓުން ރާއްޖޭގެ ރަފާ އަދި ޒީސްތުގެ ޕެއާ ކުއާޓާ ފައިނަލަށް ދަތުރު ކޮށްފިއެވެ.
ގަދަ ސޯޅައިގައި ރާއްޖޭގެ ރަފާ އަދި ޒީސްތު ކުޅެފައި ވަނީ މަޑަގަސްކަރައިގެ ކުޅުންތެރިންނާއި ދެކޮޅަށެވެ.
ވާދަވެރި ކުޅުމެއް ފެނިގެން ދިޔަ މި މެޗުގެ ސެޓުތައް ރަފާ އަދި ޒީސްތު ގެންދިޔައީ 16-14، 11-6، 11-6 އަދި 11-7 އިންނެވެ.
މި ނަތީޖާއާއިއެކު، ރާއްޖޭގެ ރަފާ އަދި ޒީސްތުވަނީ ކުއާޓާފައިނަލަށް ދަތުރު ކޮށްފައެވެ.
ރާއްޖޭގެ ދީމާ އަދި މުންތިފްގެ ޕެއާ އާއި، މުއީނާ އަދި ޝައްފާންގެ ޕެއާގެ އިތުރުން ޖުމާނާ އަދި މުންސިފްގެ ޕެއާ ވަނީ ގަދަ ސޯޅަ އަށް ނުގޮސް ކަޓައިފައެވެ.
މި އަހަރުގެ އިންޑިއަން އޯޝަން އައިލޭންޑް ގޭމްސްގައި ރާއްޖޭގެ ޓީޓީ އަންހެން ޓީމު ވަނީ ޓީމު އިވެންޓުން ރަން މެޑަލް ހޯދައިފައެވެ. އަދި މިއީ ބައިނަލްއަގްވާމީ މުބާރާތަކުން ޓީޓީ ޓީމު ހޯދި އެންމެ ބޮޑު ކާމިޔާބީއެވެ.
