މަޖިލީހަށް އޮޅުވާލާފައިވާތީ ބީއެމްއެލް ޝަރީފުގެ މައްސަލަ ބަލައި ތަހުގީގު ކުރުމަށް ނިންމައިފި

ބޭންކް އޮފް މޯލްޑިވްސް (ބީއެމްއެލް) ގެ ޑެޕިއުޓީ ސީއީއޯ މުހައްމަދު ޝަރީފު ރައްޔިތުންގެ މަޖިލީހުގެ މާލިއްޔަތު ކޮމިޓީއަށް ދޮގު މައުލޫމާތު ދިން މައްސަލައިގެ ތަހުގީގު ކުރިއަށްގެންދިއުމަށް މަޖިލީހުން ނިންމައިފިއެވެ.

އަންގާރަ ދުވަހު އޮތް މަޖިލީހުގެ ޖަލްސާގައި އެކަން އަންގަވައި މަޖިލީހުގެ ރައީސް މުހައްމަދު ނަޝީދު ވިދާޅުވީ ޝަރީފު މަޖިލީހަށް އޮޅުވާލާފައިވާތީ އެމައްސަލަ ތަހުގީގު ކުރުމަށް ނިންމާފައިވާ ކަމަށެވެ.

ޝަރީފު މަޖިލީހުގެ ކޮމިޓީއަށް ދޮގު މައުލޫމާތު ދިން ކަމަށް ބުނެ މަޖިލީހުން ވަނީ އެމައްސަލަ ފުލުހުންގެ އިދާރާއަށް ފޮނުވާފައެވެ. ނަމަވެސް އާދީއްތަ ދުވަހު ޝަރީފު ވަނީ މަޖިލީހުގެ ރައީސަށް އެޑްރެސްކޮށް ސިޓީއެއް ފޮނުއވާފައެވެ. އެ ސިޓީގައި އޭނާ ކޮމިޓީއަށް ހާޒިރުވެވަޑައިގެންނެވިއިރު އެކަން އެނގިނުގަންނަވާކަމަށާއި، އެކަން ސަމާލުކަމަށް އައީ ސޯޝަލް މީޑިއާގައި އެ ޗެކްތައް ދައުރުވުމުން ކަމަށް ވިދާޅުވެފައިވާ ކަމަށެވެ. އަދި އިތުރު ފުރުސަތަކަށް އެދި އެ ޗެކުތަކާއި ބެހޭގޮތުން މުތާލިއާ ކުރުމަށްފަހު ސައްހަ މައުލޫމާތު ކޮމިޓީއަށް ދެއްވާނެކަމަށް ވިދާޅުވެފައިވާ ކަމަށެވެ.

މިމަހުގެ 16 ވަނަ ދުވަހު ބީއެމްއެލްގައި ޝަރީފު އެގޮތަށް ވިދާޅުވި ނަމަވެސް ކޮމިޓީ ނިމުނު ފަހުން ސޯޝަލް މީޑިއާގައި ވަނީ ބީއެމްއެލްއިން އެސްއޯއެފްގެ އެކައުންޓަށް ޖަމާކޮށްފައިވާ "ނޮން ނެގޯޝިއަބަލް" ޗެކްތަކެއް ދައުރުވެފައެވެ.ޝަރީފު ރައީސް ނަޝީދަށް އާދީއްތަ ދުވަހު ފޮނުއްވި ސިޓީގައި އޭނާ ކޮމިޓީއަށް ހާޒިރުވެވަޑައިގެންނެވިއިރު އެކަން އެނގިނުގަންނަވާކަމަށާއި، އެކަން ސަމާލުކަމަށް އައީ ސޯޝަލް މީޑިއާގައި އެ ޗެކްތައް ދައުރުވުމުން ކަމަށް ވިދާޅުވެފައިވާ ކަމަށެވެ. އަދި އިތުރު ފުރުސަތަކަށް އެދި އެ ޗެކުތަކާއި ބެހޭގޮތުން މުތާލިއާ ކުރުމަށްފަހު ސައްހަ މައުލޫމާތު ކޮމިޓީއަށް ދެއްވާނެކަމަށް ވިދާޅުވި އެވެ.

ޝަރީފުގެ އެ ސިޓީ މަޖިލީހަށް ފޮނުވުމާއެކު ހޯމަ ދުވަހު އޮތް ޖަލްސާގައި ރައީސް ނަޝީދު ވިދާޅުވީ މަޖިލީހުގެ މާލިއްޔަތު ކޮމިޓީއަށް އެއްބާރުލުން ދެއްވައި, ތެދު މައުލޫމާތު ހިއްސާކޮށް ދެއްވާނެކަމަށް ވިދާޅުވުން ފުލުހުންގެ އިދާރާއަށް ހުށަހެޅި މައްސަލަ ނެގުމަށް ވިސްނަމުންދާކަމަށެވެ.

ނަމަވެސް އެކަމުގައި އޮޅުވާލުންތަކެއް އުޅޭކަން މަޖިލީހަށް ފާހަގަ ވެފައިވާތީ މަޖިލީހުން އަންގާރަ ދުވަހު ނިންމީ އެމައްސަލަ ތަހުގީގު ކުރުމަށެވެ.

ރައީސް ނަޝީދު ވަނީ މިމަހުގެ 16 ވަނަ ދުވަހު ބީއެމްއެލް މާލިއްޔަތު ކޮމިޓީއަށް ހާޒިރުކޮށް ކަން ހިނގިގޮތް ކިޔައިދެއްވާފައެވެ. އަދި ޝަރީފު އެކޮމިޓީއަށް ވަޑައިގެން ހަގީގަތާއި ޚިލާފު ވާހަކަ ދެއްކެވިކަމަށްއަދި މާލިއްޔަތު ކޮމިޓީގެ މުގައްރިރު އަދި ކިނބިދޫ ދާއިރާގެ މެންބަރު މުހައްމަދުނާޝިޒު ވިދާޅުވިކަމަށް ވެސް ވިދާޅުވެފައެވެ.

ރައްޔިތުންގެ މަޖިލީހުގައި ދޮގު މައުލޫމާތު ދިނުމަކީ ގާނޫނު އަސާސީ ބުނާ ގޮތުން ޖިނާއީ ކުށް އުފުލިދާނެ ކަމެކެވެ.

އެމްއެމްޕީއާރުސީގެ ހިޔާނާތާއި ގުޅިގެން ދައުލަތުގެ އެކި އިދާރާތައް ހާޒިރުކޮށް އަންނަނީ މަޖިލީހުން މައުލޫމާތު އޮޅުންފިލުއްވަމުންނެވެ. އެގޮތުން ބީއެމްއެލްއާއި، އޭސީސީ ހާޒިރުކޮށް ސުވާލުކޮށްފައިވެއެވެ.