ނެޝަނަލް ކައުންޓާރ ޓެރަރިޒްމް ސެންޓާރގެ ބޭފުޅުން ހާޒިރުކޮށް، 241 ކޮމިޓީގެ ބައްދަލުވުން ސިއްރުކޮށްފި
އެންސީޓީސީގެ ފަރާތުން ބައިވެރި ވެލައްވާފައިވަނީ ޑިރެކްޓާރ ޖެނެރަލް ބީޖީ ޒަކަރިއްޔާ މަންސޫރުގެ އިތުރުން އެންސީޓީސީގެ އިސްވެރިން
241 ކޮމިޓީ ބައްދަލުވުމުގެ ތެރެއިން
ނެޝަނަލް ކައުންޓާރ ޓެރަރިޒްމް ސެންޓާރ (އެންސީޓީސީ)ގެ ބޭފުޅުން ހާޒިރުކޮށް، މަޖިލީހުގެ 241 ކޮމިޓީގެ ބައްދަލުވުން ސިއްރުކޮށްފި އެވެ.
ސަލާމަތީ ހިދުމަތްތަކާއި ބެހޭ ކޮމެޓީގެ ހޯމަ ދުވަހުގެ އެޖެންޑާގައި އޮތީ ނެޝަނަލް ކައުންޓާރ ޓެރަރިޒްމް ސެންޓާރގެ ބޭފުޅުން ހާޒިރުކޮށް ސުވާލުކުރުމެވެ. އަދި އެ ސެންޓަރުގެ ހޯދުންތަކާއި މަސައްކަތްތަކުގެ މައުލޫމާތު ހޯދުމެވެ. ނަމަވެސް ކޮމެޓީ ފެށުމާއެކު ވަނީ ސިއްރުކޮށްފަ އެވެ.
އެންސީޓީސީގެ ފަރާތުން ކޮމެޓީއަށް ހާޒިރުވެފައިވަނީ ޑިރެކްޓާރ ޖެނެރަލް ބްރިގޭޑިއާ ޖެނެރަލް ޒަކަރިއްޔާ މަންސޫރުގެ އިތުރުން އެންސީޓީސީގެ އިސްވެރިންނެވެ.
ސަލާމަތީ ޚިދުމަތްތަކާ ބެހޭ ކޮމިޓީގެ ބައްދަލުވުންތައް އާންމުކޮށްވެސް ސިއްރުކުރެ އެވެ. އެއީ ޤައުމީ ސަލާމަތާއި ގުޅުންހުރި މައުލޫމާތުތައް ހިމެނޭތީވެ އެވެ. އެގޮތުން ކޮމިޓީއިން ދަނީ މިނިވަން ނޫހުގެ ނޫސްވެރިޔާ ރިޟްވާން ގެއްލުނު މައްސަލައިގައި ފުލުހުންގެ އިހުމާލެއްވޭތޯ ބަލަމުންނެވެ. މި މައްސަލައާއި ގުޅިގެން ބޭއްވޭ ހުރިހާ ބައްދަލުވުމެއްވެސް ކުރިއަށް ގެންގޮސްފައިވަނީ މީޑިއާއަށް ސިއްރުކޮށްގެންނެވެ.
