މިހާރު ކުރިޔަށްދާ އިންޑިއަން އޯޝަން އައިލޭންޑް ގޭމްސްގައި ރާއްޖޭގެ ފިރިހެން ވޮލީބޯޅަ ޓީމު ކުޅުނު ފުރަތަމަ މެޗުން ބަލިވެއްޖެއެވެ.
ރާއްޖޭގެ ފިރިހެން ވޮލީ ޓީމު ކުޅުނު ފުރަތަމަ މެޗުން ބަލިވީ މަޑަގަސްކަރ އާއި ވާދަކޮށް ސީދާ ތިން ސެޓުންނެވެ.
ވާދަވެރި ކުޅުމެއް ފެނިގެންދިޔަ މި މެޗުގެ ސެޓުތައް މަޑަގަސްކަރއިން ގެންދިޔައީ 25-21، 25-20 އަދި 25-21 އިންނެވެ.
ރާއްޖެ ޓީމުގެ ކޯޗު ސާޖިދު ބުނީ ކުޅުންތެރިން ޕްރެސަރ ގައި ތިބެ ކުޅުންކަން ފާހަގަވި ކަމަށާއި، ރާއްޖެ ޓީމުން އެންމެ ރަނގަޅަށް ކުޅެމުން އަންނަ ދެ ކުޅުންތެރިންގެ ކުޅުން ދަށް ކަމަށެވެ. މި މެޗުން މޮޅުވާން ކުޅުންތެރިން ބޭނުން ވުމުން އެކަމުގެ ޕްރެސަރ ގައި ކުޅުންތެރިން ކުޅުނު ކަމަށް އޭނާ ބުންޏެވެ.
ރާއްޖޭގެ ފިރިހެން ވޮލީޓީމު މަޑަގަސްކަރ އާއި ވާދަކޮށް ބަލިވިއިރު އަންހެން ވޮލީ ޓީމުވެސް ވަނީ އެޓީމު ކުޅުނު މެޗުން ސީދާ ތިން ސެޓުން ބަލިވެފައެވެ.
