ވިލުފުށީގައި އަޅާ 100 ގެއާއި ގުޅޭ ގޮތުން، މިނިސްޓަރ އާތިފާ މާދަމާ މަޖިލީހަށް ހާޒިރުކުރަނީ
21 ޖުލައި 2019 | އާދީއްތަ 10:43މިނިސްޓަރާއި ސުވާލުކުރެއްވުމަށް ހުށަހަޅުއްވާފައިވަނީ ވިލުފުށީ ދާއިރާގެ މެމްބަރު ހަސަން އަފީފް
ހައުސިންގ މިނިސްޓަރ އާތިފާ ޝަކޫރު
ވިލުފުށީގައި އަޅަން ނިންމާފައިވާ 100 ގެ އާއި ގުޅޭގޮތުން ސުވާލުކުރެއްވުމަށް ހައުސިންގ މިނިސްޓަރ އާތިފާ ޝަކޫރު ހޯމަ ދުވަހު އޮތް ރައްޔިތުންގެ މަޖިލީހުގެ ޖަލްސާއަށް ހާޒިރު ކުރުމަށް ނިންމައިފިއެވެ.
މިނިސްޓަރ އާތިފާ މަޖިލީހަށް ހާޒިރުކޮށް ސުވާލު ކުރެއްވުމަށް ހުށަހަޅުއްވާފައިވަނީ ވިލުފުށީ ދާއިރާގެ މެމްބަރު ހަސަން އަފީފް އެވެ.
މެމްބަރު އަފީފް މިނިސްޓަރާއި ސުވާލުކުރައްވަނީ ވިލުފުށީގައި އަޅަން ނިންމާފައިވާ 100 ގެއާއި ގުޅޭ ގޮތުންނެވެ.
ހައުސިންގ މިނިސްޓަރ އާތިފާ ވަނީ 18 ވަނަ މަޖިލީހަށް ހާޒިރުކޮށް ސުވާލުކޮށްފައެވެ. މިނިސްޓަރ މަޖިލީހަށް ހާޒިރުކޮށްފައިވަނީ 5 މާރޗްގައި އޮތްޖަލްސާއަށެވެ. އޭރު މިނިސްޓަރާއި ސުވާލުކޮށްފައިވަނީ ހިޔާ މަޝްރޫއުގެ ފްލެޓްތަކަށް ބަދަލެއް ގެންނަން ސަރުކާރުން، އޭރު ނިންމާފައިވާތީ، އެކަމާއި ގުޅޭ ގޮތުންނެވެ.
