ރައީސް ޔާމީން ކޯޓަށް ވަޑައިގެންފި
ޝަރިޔަތް ޓީވީން ލައިވް ކުރާނެ
ރައީސް ޔާމީން ކޯޓަށް ވަޑައިގަތުމުގެ ކުރިން ސަޕޯޓަރުން ތަކަކާއި އެކު
ކުރީގެ ރައީސް އަބްދުﷲ ޔާމީން އަބްދުލް ޤައްޔޫމްގެ މައްޗަށް ކޮށްފައިވާ މަނީ ލޯންޑަރިންގެ ދައުވާގެ ޝަރީއަތަށް އެމަނިކުފާނު ކްރިމިނަލް ކޯޓަށް ވަޑައިގެންފިއެވެ.
ރައީސް ޔާމީން ކޯޓަށް ވަޑައިގަތީ މީގެ ކުޑަ އިރުކޮޅެއް ކުރިންނެވެ. އެމަނިކުފާނުގެ ޝަރިޔަތް ފެށުމަށް ކުރިން ހަމަޖެހިފައި ވަނީ 12:45 ގައެވެ. އެހެން ނަމަވެސް އަދި ޝަރިޔަތް ފަށާފައެއް ނުވެއެވެ. މި ޝަރިޔަތް ލައިވް ކުރަން ވަނީ ހަމަޖެހިފައެވެ.
އެޕްރީލް މަހުގެ 25 ވަނަ ދުވަހު ބޭއްވި އިބްތިދާއީ އަޑުއެހުންތަކުގެ ޝަރީއަތުގައި ރައީސް ޔާމީންގެ ފަރާތުން ހުށައަޅަންޖެހޭ ހުށައެޅުންތަކަށް 10 ދުވަސް ދިނުމަށް އެމަނިކުފާނުގެ ވަކީލުން އެދުމުން އެ 10 ދުވަސް ދީފައިވެއެވެ. އެ ހުށައެޅުންތައް ޔާމީންގެ ފަރާތުން ހުށައެޅުމުން އޭގެ ރައްދެއްގެ ގޮތުގައި ދައުލަތުން ވެސް ވަނީ ލިޔުންތަކެއް ހުށައަޅާފައެވެ.
