ފުވައްމުލަކުގެ މަގުތައް ހެދުމުގެ މަޝްރޫއު ގެ ދަށުން ބައެއް މަގުތަކުގެ އަމަލީ މަސައްކަތް ފެށިއްޖެ
16 ޖުލައި 2019 | އަންގާރަ 09:53މިއީ 279 މިލިއަން ރުފިޔާގެ މަޝްރޫއެއް
އުމްނާ އިސްމާއިލް | 16 ޖުލައި 2019 | އަންގާރަ 09:53
ނައިބު ރައީސް ފުވައްމުލަކުގެ މަގުތަކުގެ ޕްލޭން ބައްލަވަނީ
ފުވައްމުލަކުގެ 31 މަގު ހެދުމުގެ މަޝްރޫއު ގެ ދަށުން އެރަށުގެ ރިންގް ރޯޑްގެ އަމަލީ މަސައްކަތް ފެށިއްޖެއެވެ.
ފުވައްމުލަކުގެ މަސައްކަތް ހެދުމަށްޓަކާ ހަވާލު ކޮށްފައިވަނީ މޯލްޑިވްސް ޓްރާންސްޕޯރޓް އެންޑް ކޮންޓްރެކްޓިންގް ކޮމްޕެނީ (އެމްޓީސީސީ) އާއެވެ.
ރާއްޖެެ އެމްވީ އަަށް އެމްޓީސީސީގެ ޕީއާރް އިން މައުލޫމާތު ދެއްވަމުން ވިދާޅުވީ އެމްޓީސީސީއިން ދަނީ ރިންގް ރޯޑާއި ރަށުގެ އެތެރޭގެ މަގުތައް ހެދުމަށް ހަވާލު ކުރެވިފައިވާކަމަށެވެ.
އަދި އެހެން މަގުތަކުގެ ޑިޒައިނިންގް ފެށިފައިވާ ކަމަށް ވެސް ވިދާޅުވިއެވެ.
279 މިލިއަން ރުފިޔާގެ މި މަޝްރޫއު ހަވާލު ކުރެވުނީ އެއްއަހަރު ދުވަހުން މަގުތައް ހަދާ ނިންމާ ގޮތަށެވެ.
އެމްޓީސީސީ އާއި މަގުތައް ހެދުމަށް ހަވާލުކުރެވުނީ އޭޕްރިލް މަހުއެވެ.
