ހަސީން ލޭބަރ ޕާޓީން އިސްތިއުފާ ދެއްވައިފި
ވަކި ސަބަބެއް ހާމަ ނުކުރޭ
ހަސީން ލޭބަރ ޕާޓީން އިސްތިއުފާ ދެއްވީ ހޯމަ ދުވަހު
ރާއްޖޭގެ މަސައްކަތްތެރިންގެ ހައްގު ރައްކާތެރިކުރުމުގެ ގޮތުން އުފައްދާފައިވާ މޯލްޑިވްސް މޯލްޑިވްސް ލޭބަރ އެންޑް ޝޯޝަލް ޑިމޮކްރެޓިކް ޕާޓީ (އެމްއެލްއެސްޑީޕީ) އުފެއްދުމުގައި އިސްރޯލެއް އަދާކުރެއްވި ގާނޫނީ ވަކީލް އަބްދުﷲ ހަސީން އެ ޕާޓީން އިސްތިއުފާ ދެއްވައިފިއެވެ.
ހަސީންގެ އިސްތިއުފާގެ ސިޓީ ރާއްޖެ.އެމްވީ އަށް ވަނީ ލިބިފައެވެ. އެ ސީޓީގައި ހަސީން ވިދާޅުވީ، ޕާޓީގެ ސެކްރަޓަރީ ޖެނެރަލްކަމުގެ މަގާމާއި ލީޑަރޝިޕް އަދި ކޮމެޓީގެ މެންބަރު ކަމުން އިސްތިއުފާދެއްވާފައިވާ ކަމަށެވެ. އިސްތިއުފާ ދެއްވި ސަބަބެއް އޭނާ ހާމާއެއް ނުކުރެއެވެ.
ހަސީން ރާއްޖެ.އެމްވީ އަށް މައުލޫމާތު ދެއްވަމުން ވިދާޅުވީ، އިސްތިއުފާ ދެއްވި ސަބަބު ފަހުން ހާމަކުރައްވާން ކަމަށެވެ.
ހަސީން ލޭބާރ ޕާޓީން އިސްތިއުފާ ދެއްވާފައިވާއިރު އޭނާ ވަނީ ޕާޓީގެ ސެކެރެޓަރީ ޖެނެރަލްގެ މަގާމުގައި މަސައްކަތްތެރިންގެ ހައްގުގައި އަޑު އުފުލާފައެވެ. ރިސޯޓުތަކުގެ މަސައްކަތް ކުރާ ދިވެހި މުވައްޒަފުންގެ ހައްގުގައި ވެސް އޭނާ ވަނީ ވަކާލާތުކޮށްފައެވެ.
