ޕޮލިސް ކޮލެޖުގެ ގިނަ ދަރިވަރުންތަކެއް ކާނާވިހަވި ކަމަށް ބެލެވޭ، އެއްކުއްޖެއްގެ ހާލު ސީރިއަސް
5 ދަރިވަރަކަށް އައިސީޔޫގައި ދަނީ ފަރުވާ ދެމުން
އައްޑޫ އެކުއެޓޯރިއަލް ހޮސްޕިޓަލް
ޕޮލިސް ކޮލެޖުގެ ގިނަ ދަރިވަރުންތަކެއް ކާނާވިހަވި ކަމަށް ބެލެވޭ ކަމަށާއި، 32 ދަރިވަރުން އައްޑޫ އިކުއެޓޯރިއަލް ހޮސްޕިޓަލުގައި އެޑްމިޓް ކޮށްފައިވާ ކަމަށް ފުލުހުން ބުނެފިއެވެ.
ބުދަ ދުވަހު ފުލުހުން ބުނީ ޕޮލިސް ކޮލެޖުގެ ގިނަ ދަރިވަރުންތަކެއް ބަލިވެ އައްޑޫ އިކުއެޓޯރިއަލް ހޮސްޕިޓަލުގައި މިވަގުތު އެޑްމިޓް ކުރެވިފައިވާ ކަމަށެވެ.
ފުލުހުން ބުނީ 5 ދަރިވަރަކަށް އައިސީޔޫގައި ފަރުވާ ދެމުންދާ ކަމަށާއި، އެއް ދަރިވަރެއްގެ ހާލު ސިރިއަސް ކަމަށެވެ.
މިކަން ދިމާވި ސަބަބު ހޮސްޕިޓަލް މެދުވެރިކޮށް ބަލަމުންދާ ކަމަށް ފުލުހުން ބުނެއެވެ.
ފުލުހުން ބުނީ ޝައްކުކުރެވެނީ ކާނާ ވިހަވީކަމަށާއި، ފަރުވާ ދިނުމަށްފަހު ބައެއް ދަރިވަރުން އަނބުރާ ކޮލެޖަށް ގެންދަމުންދާ ކަމަށް ފުލުހުން ބުނެއެވެ.
މީގެ އިތުރުން އައްޑޫ އިކުއެޓޯރިއަލް ހޮސްޕިޓަލުން ބުނީ ބުދަ ދުވަހުގެ ރޭ 8:00ށް ހާއިރު ގިނަ އަދަދެއްގެ ދަރިވަރުން ބަލިވެގެން ގެނެސްފައިވާ ކަމަށާއި، ފަރުވާ ދެމުންދާ ކަމަށެވެ. ގިނަ ދަރިވަރުންގެ ހާލު ރަނގަޅުވަމުން އަންނަ ކަމަށް ހޮސްޕިޓަލުން މައުލޫމާތުދެއެވެ.
