ހުކުރު 13 ޑިސެންބަރު 2019
04 މުލަ
1441 ރަބީޢުލްއާޚިރު 16
ފަތިސް 04:45
އިރުއަރާ 06:01
މެންދުރު 12:04
އަސްރު 15:24
މަޣްރިބް 17:58
އިޝާ 19:16
ދުނިޔެ - ޗަންދަރަޔަން-2

ޗަންދަރަޔަން-2: އުދުއްސާލަން ތައްޔާރުކުރުމަށްފަހު މަޑުޖައްސާލައިފި

  • މި މިޝަންއަކީ 150 މިލިއަން އެމެރިކާ ޑޮލަރުގެ މިޝަންއެއް
  • މި މިޝަން ކާމިޔާބުވެއްޖެ ނަމަ އިންޑިއާ ވެގެންދާނީ ހަނދުގައި އުޅނދެއް ޖައްސާ ހަތަރުވަނަ ގައުމަށް
  • ސެޓެލައިޓް ފޮނުވާލުން ދެން އޮންނާނެ ދުވަހެއް ވަރަށް އަވަހަށް އިއުލާނުކުރެވޭނެ

އަބުދުﷲ މުހައްމަދު
8Abbo

ކ. މާލެ 15 ޖުލައި 2019 | ހޯމަ 23:59 4,667

ސެޓެލައިޓް ލޯންޗްކުރަން ހަމަޖެހިފައިއޮތީ އިންޑިއާގެ ގަޑިން ހޯމަ ދުވަހުގެ 2:51 ގައި - އީޕީއޭ

އިންޑިއާއިން ހަނދުގެ މިޝަންއަކަށް ޖައްވަށް ފޮނުވަން މަސައްކަތްކުރި ދެވަނަ އުޅަނދު އުދުއްސާލަން ގަޑިއިރަކަށްވުރެ ކުޑަތަންވެފައިވަނިކޮށް ދިމާވި ޓެކްނިކަލް މައްސަލައަކާއި ގުޅިގެން އުދުއްސާލުން ފަސްކޮށްފިއެވެ.

އިންޑިއާގެ ޖައްވީ އިދާރާއިން ބުނެފައިވަނީ އުޅަނދު ފޮނުވާލާ ސިސްޓަމަށް ދިމާވި މައްސަލަ ސަމާލުކަމަށް އައުމުން ކައުންޓްޑައުން ހުއްޓާލީ އުދުއްސާލަން 56 މިނިޓަށް ވެފައިވަނިކޮށް ކަމަށެވެ.

ޗަންދަރަޔަން 2 ގެ ނަންދީފައިވާ މި ސެޓެލައިޓް ލޯންޗްކުރަން ހަމަޖެހިފައިއޮތީ އިންޑިއާގެ ގަޑިން ހޯމަ ދުވަހުގެ 2:51 ގައެވެ. މި ސެޓެލައިޓް ލޯންޗްކުރަނީ އިންޑިއާގެ އިރުމަތީ އައްސޭރިފަށުގައި ހުންނަ ސްރިހަރިކޯޓާ ސްޕޭސް ސްޓޭޝަނުންނެވެ.

ސެޓެލައިޓް ފޮނުވާލުން ދެން އޮންނާނެ ދުވަހެއް ވަރަށް އަވަހަށް އިއުލާނުކުރެވޭނެކަމަށް އެ ގައުމުން ބުނެއެވެ.

އިންޑިއާއިން އުއްމީދުކުރާގޮތުގައި 150 މިލިއަން އެމެރިކާ ޑޮލަރުގެ މިޝަން، ޗަންދްރަޔަން-2 ވެގެންދާނީ ހަނދުގެ ދެކުނު ތަނޑީގައި ޖައްސާ ފުރަތަމަ އުޅނަދަށެވެ.

މި އުޅަނދުގެ މަސައްކަތަކަށްވާނީ ހަނދުގައި ފެނާއި މައުދަން ހުރިތޯ ބެލުމާއި ހަނދަށް އަންނަ ހެލުންތައް ބެލުންފަދަ ކަންކަމެވެ. މި މިޝަން ކާމިޔާބުވެއްޖެނަމަ އިންޑިއާ ވެގެންދާނީ ހަނދުގައި އުޅނދެއް ޖައްސާ ހަތަރުވަނަ ގައުމަށެވެ.

މިހާތަނަށް އެކަން ކުރެވިފައިވަނީ އެމެރިކާ، ޗައިނާ އަދި ކުރީގެ ސޯވިއެޓް ޔޫނިއަންއަށެވެ.

އެންމެ ފަހުން އަޕްޑޭޓް ކުރީ: 5 މަސް ކުރިން | ރިވިއު ކުރީ: އަބުދުﷲ ނަސީރު އިބްރާހިމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.

ކޮމެންޓް