ކ. މާލެ
|
13 ޖުލައި 2019 | ހޮނިހިރު 18:27
ޕައުލް ޕޮގްބާ
ޕައުލް ޕޮގްބާ
ޓްވިޓަރ
ޕައުލް ޕޮގްބާ
ޔުނައިޓެޑުން ޕޮގްބާ ދޫކޮށްލާނީ 180 މިލިއަން ޕައުންޑު ހުށަހަޅާ ކްލަބަކަށް
 
ޕޮގްބާ ހޯދުމަށް ގިނަ ކްލަބްތަކުން އަންނަނީ މަސައްކަތް ކުރަމުން

މެންޗެސްޓާ ޔުނައިޓެޑުން އެ ކްލަބަށް ކުޅެމުން އަންނަ ފްރާންސްގެ މިޑްފިލްޑަރ ޕައުލް ޕޮގްބާ ދޫކޮށްލާނީ 180 މިލިއަން ޕައުންޑު ހުށަހަޅާ ކްލަބަކަށް ކަމަށް ރިޕޯޓްތައް ބުނުފިއެވެ.

މިރާއިން ބުނީ، 180 މިލިއަން ޕައުންޑު ހުށަހަޅާ ކްލަބަކަށް ޕޮގްބާ ދޫކޮށްލަން ޔުނައިޓެޑުން ނިންމާފައިވާ ކަމަށާއި، ޝައުގުވެރިވާ ކްލަބްތަކުން ބިޑުކުރުމަށް ހުޅުވާލާފައިވާ ކަމަށެވެ.

ރިޕޯޓްތައް ބުނާގޮތުން ޕޮގްބާ ހޯދުމަށް ދުނިޔޭގެ ނަން މަޝްހޫރު ގިނަ ކްލަބްތަކުން އަންނަނީ މަސައްކަތް ކުރަމުންނެވެ. އޭގެ ތެރޭގައި ރެއާލް މެޑްރިޑް އަދި ޔުވެންޓަސްވެސް ހިމެނޭ ކަމަށްވެސް ރިޕޯޓްތައް ބުނެއެވެ.

ޔުނައިޓެޑާ އެކު ޕޮގްބާ ހަދާފައިވާ އެއްބަސްވުން 2021 ވަނަ އަހަރު ހަމަވާ އިރު، އޭނާ އަށް މިހާރު ލިބެނީ ހަފްތާ އަކު 290،000 ޕައުންޑެވެ.

ޔުނައިޓެޑުން 2010 ވަނަ އަހަރު ކެރިޔަރު ފެށި އުމުރުން26 އަހަރުގެ ޕޮގްބާ ވަނީ މިހާތަނަށް އެ ޓީމަށް ކުޅުނު 135 މެޗުގައި 31 ލަނޑު ކާމިޔާބު ކޮށްފައެވެ. އޭނާ ވަނީ އެ ޓީމާ އެކު ލީގް ކަޕް އަދި ޔޫރޮޕާ ލީގު ވެސް ކާމިޔާބު ކޮށްފައެވެ.

ފްރާންސާ އެކު 2013 ވަނަ އަހަރު 20 އަހަރުން ދަށުގެ ވޯލްޑްކަޕް އަދި މިދިޔަ އަހަރު ރަޝިއާގައި ބޭއްވި ވޯލްޑް ކަޕް ކާމިޔާބު ކޮށްފައިވާ ޕޮގްބާ ވަނީ ސީނިއާ ޓީމުގައި ހިމެނި 66 މެޗު ކުޅެ 10 ލަނޑު ކާމިޔާބު ކޮށްފައެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަބުދުﷲ ނަސީރު އިބްރާހިމް
0%
40%
0%
20%
40%
0%
ކޮމެންޓް