ހޮނިހިރު 24 އޯގަސްޓު 2019
01 ފުރަ
1440 ޒުލްޙައްޖު 22
ފަތިސް 04:48
އިރުއަރާ 06:00
މެންދުރު 12:12
އަސްރު 15:22
މަޣްރިބް 18:17
އިޝާ 19:30
ކުޅިވަރު - ފަބިއަން ޑެލްފް

ސިޓީ ދޫކޮށް ޑެލްފް އެވަޓަންއަށް ބަދަލުވުމާ ގާތަށް

  • ޑެލްފް ހޯދުމަށް އެވަޓަންއިން ވަނީ 8.5 މިލިއަން ޕައުންޑު ހުށަހަޅާފައި

ލީވާން އަލީ
MrLeevaan

ކ. މާލެ 13 ޖުލައި 2019 | ހޮނިހިރު 18:28 1,709

ފަބިއަން ޑެލްފް - ގެޓީ އިމޭޖާސް

މެންޗެސްޓާ ސިޓީ ދޫކޮށް އިނގިރޭސި މިޑްފިލްޑަރ ފަބިއަން ޑެލްފް އެވަޓަންއަށް ބަދަލުވުމާ ގާތަށް ގޮސްފައިވާ ކަމަށް ރިޕޯޓްތައް ބުނެފިއެވެ.

ދަ ޓައިމްސް އިން ބުނީ، ޑެލްފް އެވަޓަންއަށް ވިއްކާލަން ސިޓީން އެއްބަސްވެފައިވާ ކަމަށާއި، އޭނާ ވިއްކާލަން ސިޓީން ނިންމާފައިވަނީ 8.5 މިލިއަން ޕައުންޑަށް ކަމަށެވެ.

އެ ނޫހުން ބުނީ، ޑެލްގެ ޓްރާންސްފާގެ ކަންކަމަށް ޖުމްލަ 10 މިލިއަން ޕައުންޑު އަރާ ކަމަށާއި، އެ އަގާ މެދު އެވަޓަންވެސް ހިތްހަމަޖެހިފައިވާ ކަމަށެވެ. އަދި އޭނާގެ ޓްރާންސްފާގެ ކަންކަން ވަރަށް އަވަހަށް ނިމޭނެ ކަމަށްވެސް އެ ނޫހުން ބުނެއެވެ.

ސިޓީއާއެކު ޑެލްފް ހަދާފައިވާ އެއްބަސްވުން މި އަހަރު ހަމަވާއިރު، އޭނާ ހޯދުމަށް ޖަރުމަން އަދި ސްޕެއިންގެ ކްލަބްތަކުން އަންނަނީ މަސައްކަތް ކުރަމުންނެވެ. ނަމަވެސް އޭނާ ބަދަލުވާނީ އެވަޓަންއަށް ކަމަށް ވަނީ ބެލެވިފައެވެ.

ލީޑްސް ޔުނައިޓެޑުން 2006 ވަނަ އަހަރު ކެރިޔަރު ފެށި އުމުރުން 29 އަހަރުގެ ޑެލްފް ވަނީ އެ ކްލަބަށް 54 މެޗު ކުޅެ، ހަ ލަނޑު ކާމިޔާބުކޮށްފައެވެ. އެ ކްލަބް ދޫކޮށް 2009 ވަނަ އަހަރު އެސްޓަން ވިލާއަށް ޑެލްފް ވަނީ ބަދަލުވެފައެވެ.

އެސްޓަން ވިލާގައި ޑެލްފް ހޭދަކުރި ހަ ސީޒަނުގައި އޭނާ ވަނީ ކުޅުނު 134 މެޗުގައި 8 ލަނޑު ކާމިޔާބުކޮށްފައެވެ. އަދި އޭނާ ވަނީ އެ ކްލަބާއެކު ލީގު ކަޕްގެ ދެވަނަ އަދި އެފްއޭ ކަޕްގެ ދެވަނަ ހޯދާފައެވެ.

ސިޓީއަށް ޑެލްފް ބަދަލުވީ 2015 ވަނަ އަހަރު ސީޒަނުގައެވެ. އޭނާ ވަނީ އެ ކްލަބަށް މިހާތަނަށް ކުޅުނު 89 މެޗުގައި ފަސް ލަނޑު ކާމިޔާބުކޮށްފައެވެ. އަދި އޭނާ ވަނީ އެ ކްލަބާއެކު ދެ ޕްރިމިއާ ލީގު ކާމިޔާބުކޮށްފައެވެ.

އިނގިރޭސި ގައުމީ ޓީމާއެކު ޔުއެފާ ނޭޝަންސް ލީގުގެ ތިންވަނަ ކާމިޔާބުކޮށްފައިވާ ޑެލްފް ވަނީ ގައުމީ ޓީމަށް 20 މެޗު ކުޅެފައެވެ.

އެންމެ ފަހުން އަޕްޑޭޓް ކުރީ: 1 މަސްކުރި | ރިވިއު ކުރީ: އަބުދުﷲ ނަސީރު އިބްރާހިމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް