އާދީއްތަ 06 ޑިސެންބަރު 2020
10 ދޮށަ
1442 ރަބީޢުލްއާޚިރު 20
ފަތިސް 04:42
އިރުއަރާ 05:58
މެންދުރު 12:01
އަސްރު 15:21
އިރުއޮއްސޭ 17:55
އިޝާ 19:12
ޖުޑީޝަލް ސަރވިސް ކޮމިޝަން

ގާޒީ ސައީދުގެ ތަހުގީގު އާއްމުންނަށް ހުޅުވާލާނެ

  • ތަހުގީގު އޮންނާނީ އާދިއްތަ ދުވަހު
  • ސުލޫކީ ދެ މައްސަލައެއް ހުށައެޅިފައިވޭ
  • މޯބައިލް ފޯނު ފިޔަވާ އިތުރު އެއްޗެއް ނުވެއްދޭނެ

ކ. މާލެ | 11 ޖުލައި 2019 | ބުރާސްފަތި 23:00 | 6,605

ޖޭއެސްސީން ބަލަމުންދަނީ ސައީދުއާ ބެހޭ ގޮތުން ހުށައެޅިފައިވާ ސުލޫކީ ދެ މައްސަލައެއް - ސަން އޮންލައިން

ޖުޑީޝަލް ސަރވިސް ކޮމިޝަން (ޖޭއެސްސީ) އިން ބަލަމުންދާ މައްސަލައަކާއި ގުޅިގެން ސަސްޕެންޑްކޮށްފައިވާ ފެމިލީ ކޯޓުގެ އިސް ގާޒި ހަސަން ސައީދުގެ ޝަރީޔަތް އާއްމުންނަށް ހުޅުވާލާނެ ކަމަށް ޖޭއެސްސީން ބުނެފިއެވެ.

ޖޭއެސްސީން ބަލަމުންދަނީ ސައިދާ ބެހޭ ގޮތުން އެ ކޮމިޝަނަށް ހުށައެޅިފައިވާ ސުލޫކީ ދެ މައްސަލައެކެވެ. މައްސަލަ ބަލައި ނިމެންދެން ސައީދު ވަނީ މަގާމުން ސަސްޕެންޑް ކޮށްފައެވެ.

ބުރާސްފަތި ދުވަހު ޖޭއެސްސީން ނެރެފައިވާ ބަޔާނެއްގައި ބުނީ، އަންނަ ހަފްތާގެ އާދިއްތަ ދުވަހު ޕޯސްޓް ބިލްޑިންގެ ހަވަނަ ފަންގިފިލާ ގައި ބޭއްވުމަށް ހަމަޖެހިފައިވާ ސައީދުގެ އަޑުއެހުމަށް އާއްމުންގެ އިތުރުން މީޑިއާތަކަށް ވަނުމުގެ ފުރުސަތު ހުޅުވާލާފައިވާ ކަމަށެވެ. އެގޮތުން އެ ދުވަހުގެ މެންދުރު 13:30 ގެ ކުރިން ތަހުގީގީ މާލަމަށް ދިޔުމަށް ޖޭއެސްސީން ވަނީ އިލްތިމާސް ކޮށްފައެވެ.

އަޑު އެހުމަށް ވަންނަ ފަރާތްތަކުން އައިޑީކާޑް ގެންދަން ޖޭއެސްސީން ވަނީ އިލްތިމާސްކޮށްފައެވެ. ސަލާމަތީ ސަބަބުތަކަށްޓަކައި މޯބައިލް ފޯނު ފިޔަވާ އިތުރު އެއްޗެއް ތަހުގީގީ މާލާމަށް ނުވެއްދޭނެ ކަމަށް ޖޭއެސްސީން ބުންޏެވެ.

ޖޭއެސްސީން ވަނީ މީގެ ކުރިން ސުޕްރީމް ކޯޓުގެ ފަނޑިޔާރު އަބްދުﷲ ދީދީގެ ތަހުގީގު އާއްމުންނަށް ހުޅުވާލައިގެން ދަރުބާރުގޭގައި ބާއްވާފައެވެ.

އެންމެ ފަހުން އަޕްޑޭޓް ކުރީ: 8 މަސް ކުރިން | ރިވިއު ކުރީ: އަބުދުﷲ ނަސީރު އިބްރާހިމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.