ވައިގޮޅިން ވެއްޓުނު މީހާ މަރުވެއްޖެ
މަރުވީ 70 އަހަރުގެ މީހެއް
އެމިހާ ވެއްޓުނު ވައިގޮޅި
މާލޭގެ ގެއެއްގެ ވައިގޮޅިއަށް ވެއްޓުނު އުމުރުން 70 އަހަރުގެ އަންހެން މީހާއަށް އައިޖީއެމްއެޗްގައި ފަރުވާ ދެމުން ދަނިކޮށް މަރުވެއްޖެއެވެ.
އެމީހާ މަރުވެފައިވަނީ އައިޖީއެމްއެޗް ގައި ފަރުވާދެމުންދަނިކޮށް މެންދުރުގެ ވަގުތެއްގައެެވެ.
ފުލުހުން ބުނީ އެ ހާދިސާގައި އަންހެން މީހާގެ ބޮލުގެ ފުއްކިބަ ފަޅައިގެން ގޮސް، ކަނާތު ފައި ފަލަމަސްގަނޑާއި ހަމައިން ބިންދައިގެން ގޮސް، ވާތުފައިގެ ކުޑަހުޅު ވެސް ބިނދިފައިވާ ކަމަށެވެ.
ފުލުހުން އަންނަނީ މި މައްސަލަ އިތުރަށް ތަހްގީގު ކުރަމުންނެވެ.
މީގެ ކުރިން ވަނީ ލިފްޓް ގޮޅިއަކަށް އުމުރުން ދުވަސްވީ އަންހެނަކު ވެއްޓިފައެވެ. ހ. ފެންނާގެ ހަތަރު ވަނަ ފަންގިފިލާގެ ލިފްޓް ގޮޅިއަށް އުމުރުން ހަތް މަހުގެ ތުއްތު އަންހެން ކުއްޖަކާއި އެ ކުއްޖާގެ މާމަ ވެއްޓިފައިވަނީ 2015 ވަނަ އަހަރުގެ އޮކްޓޯބަރު މަހުގައެވެ. އެ ހާދިސާގައި ލިފްޓް ގޮޅިއަށް ވެއްޓުނު ތުއްތު ކުއްޖާ ވަނީ މަރުވެފައެވެ.
ލިފްޓް ބަހައްޓަން ހަދާފައި ހުންނަ ގޮޅިތައް ބަންދުނުކޮށް އެތައް ދުވަހެއް ވަންދެން ބަހައްޓާފައި ހުރުމަކީ އިމާރާތް ކުރާ ފަރާތްތަކުން ކުރަމުން އަންނަ އާއްމުކަމެކެވެ.
