ޕާޓީގެ މެމްބަރޝިޕް ފޯމެއްގެ މައުލޫމާތު އީސީއަށް ދުލެއް ނުކުރެވޭނެ: އަކްރަމް
11 ޖުލައި 2019 | ބުރާސްފަތި 13:15އަޑުއެހުން ބާއްވާފައި ވަނީ ބުުދަ ދުވަހާއި ބުރާސްފަތު ދުވަހު
އިލެކްޝަން ކޮމިޝަން (އީސީ) ގެ ތަރުޖަމާނު އަހުމަދު އަކްރަމް
ޕާޓީގެ މެމްބަރޝިޕް ފޯމް ދޫކުރުމަކީ އިލެކްޝަންސް ކޮޮމިޝަނަށް ކުރެވޭނެ ކަމެއް ނޫންކަމަށް އެ ކޮމިޝަންގެ މެމްބަރު އަހުމަދު އަކްރަމް ވިދަޅުވެއްޖެ އެވެ.
އަކްރަމް އެގޮތަށް ވިދާޅުވީ، އިންފޮމޭޝަން ކޮމިޝަނރުގެ އޮފީހުން ހުޅުވާލައިގެން ކުރިއަށްގެންދިޔަ އަދުއެހުންތަކަށްފަހު ރާއްޖެ.އެމްވީއަށް މައުލޫމާތުދެއްވަމުންނެވެ.
އިލެކްޝަންސްގެ ތަރުޖަމާންކަންވެސް ކުރައްވާ އަކްރަމް ވިދާޅުވީ އިންފޮމޭޝަން ކޮމިޝަނަރުގެ އޮފީހުން ކުރިއަށް ގެންދިޔަ އަޑުއެހުމަކީ ދެ ފަރާތަކުން ޕާޓީއަށްވަނުމަށް އެދި ހުށަހަޅާފައިވާ ފޯމު އަނބުރާ ހޯދުމަށް އީސީ އަށް ހުށަހަޅާފައިވާ މައްސަލައަކާއި ގުޅިގެން ކުރިއަށްގެންދިޔަ އަޑުއެހުމެއް ކަމަށެވެ. ނަމަވެސް ޕާޓީގެ މެމްބަރަކަށް ވުމަށްއެދި ހުށަހަޅާ ފޯމަކީ ޕާޓީން ބަލަހައްޓާ އެއްޗެއްކަމަށާއި، އެ މައުލޫމާތަކީ އިލެކްޝަންސް އަށް ހިއްސާކުރެވޭނެ މައުލޫމާތެއް ނޫންކަމަށް އަކްރަމް ވިދާޅުވި އެވެ.
އިލެކްޝަންސް ކޮމިޝަނުން ހޯދުމަށް ހުށަހަޅާފައިވަނީ މޯލްޑިވްސް ތާރޑްވޭ ޑިމޮކްރެޓްސް (އެމްޓީޑީ) އަށް ވަނުމަށް ހުށަހަޅާފައިވާ ފޯމްތަކުގެ މައުލޫމާތުތަކެކެވެ. އެ މައުލޫމާތު ހޯދުމަށް އެދި ހުށަހަޅާފައިވަނީ ދެ ފަރާތަކުންނެވެ.
މީގެކުރިންވެސް އިންފޮމޭޝަން ކޮމިޝަން (އައިކޮމް) އަށް އީސީ އިން މުންޑޫ ޕެޓިޝަންއާއި ގުޅޭ މައުލޫމާތުތަކެއް ހިއްސާ ނުކުރި މައްސަލާގައި އަޑުއެހުމަކަށް ދިއުމަށް ނިންމި އެވެ. ނަމަވެސް މަޖިލީހުގެ މިނިވަން މުއައްސަސާތަކާބެހޭ ކޮމެޓީން މި މައްސަލަ ދިރާސާކޮށް ދެ ކޮމިޝަން ހާޒިރު ކުރެވުނު ބައްދަލުވުމުގައި އިންފޮމޭޝަން ކޮމިޝަނަރ ވަނީ މި މައްސަލާގައި އަޑުއެހުމަކަށް ނުދިޔުމަށް ނިންމާފަ އެވެ.
