އަންގާރަ 16 ޖުލައި 2019
02 ފުސް
1440 ޒުލްގައިދާ 13
ފަތިސް 04:43
އިރުއަރާ 06:00
މެންދުރު 12:16
އަސްރު 15:38
މަޣްރިބް 18:24
އިޝާ 19:41
ކުޅިވަރު - ޑިވޮކް އޮރިގީ

ލިވަޕޫލްގެ އެއްބަސްވުން އޮރިގީ އާކޮށްފި

  • އޮރިގީ އެއްބަސްވުން އާކުރީ އޭނާ ހޯދުމަށް ގިނަ ކްލަބްތަކުން މަސައްކަތް ކުރަނިކޮށް

ލީވާން އަލީ
MrLeevaan

ކ. މާލެ 11 ޖުލައި 2019 | ބުރާސްފަތި 09:14 1,500

ޑިވޮކް އޮރިގީ - ގެޓީ އިމޭޖާސް

ލިވަޕޫލްއާއެކު ހަދާފައިވާ އެއްބަސްވުން އެ ކްލަބަށް ކުޅެމުން އަންނަ ބެލްޖިއަމްގެ ވިންގާ ޑިވޮކް އޮރިގީ އާކޮށްފިއެވެ.

އުމުރުން 24 އަހަރުގެ އޮރިގީ ލިވަޕޫލްއާއެކު ހަދާފައިވާ އާ އެއްބަސްވުމުގެ ދަށުން އޭނާގެ ރިލީޒް ކްލައުޒްއެއް ހިމެނޭއިރު، މިއީ ދިގު މުއްދަތުގެ އެއްބަސްވުމެކެވެ. އޭނާ ކުރިން އެ ކްލަބާއެކު ހެދި އެއްބަސްވުން ހަމަވާގޮތަށް އޮތީ 2020 ވަނަ އަހަރެވެ.

އޮރިގީ ލިވަޕޫލްގެ އެއްބަސްވުން އާކުރީ އޭނާ ހޯދުމަށް މި ޓްރާންސްފާގައި ގިނަ ކްލަބްތަކުން މަސައްކަތް ކުރަމުން އަންނަނިކޮށެވެ. އޭގެ ތެރޭގައި ސްޕެއިން އަދި ޖަރުމަންގެ ކްލަބްތައްވެސް ހިމެނެއެވެ.

އޮރިގީ އޭނާގެ ފުޓުބޯޅަ ކެރިޔަރު ފެށީ 2012 ވަނަ އަހަރުގެ ސީޒަނުގައި ލިއްލޭއިންނެވެ. އޭނާ ވަނީ އެ ކްލަބަށް ކުޅުނު 89 މެޗުގައި 16 ލަނޑު ކާމިޔާބު ކޮށްފައެވެ.

ލިއްލޭ ދޫކޮށްލުމަށް ފަހު، އޮރިގީ ލިވަޕޫލަށް ބަދަލުވީ 2015 ވަނަ އަހަރުގެ ސީޒަނުގައެވެ. އޭނާ ވަނީ އެ ކްލަބަށް ކުޅުނު 97 މެޗުގައި 28 ލަނޑު މިހާތަނަށް ކާމިޔާބު ކޮށްފައެވެ.

ލިވަޕޫލްއާއެކު ޔުއެފާ ޗެމްޕިއަންސް ލީގު ކާމިޔާބު ކޮށްފައިވާ އޮރިގީ ވަނީ 2017 ވަނަ އަހަރުގެ ސީޒަނުގައި ވޮލްފްސްބާގަށް ވެސް ކުޅެފައެވެ. އޭނާ ވަނީ އެ ކްލަބަށް ކުޅުނު 34 މެޗުގައި ހަ ލަނޑު ކާމިޔާބު ކޮށްފައެވެ.

ބެލްޖިއަމް ގައުމީ ޓީމަށް ކުޅުނު 26 މެޗުގައި ތިން ލަނޑު ކާމިޔާބު ކޮށްފައިވާ އޮރިގީ ވަނީ ބެލްޖިއަމްގެ އެންމެ އުންމީދީ އެތުލީޓުގެ މަގާމު 2014 ވަނަ އަހަރު ހޯދާފައެވެ.

އެންމެ ފަހުން އަޕްޑޭޓް ކުރީ: 5 ދުވަަސް ކުރިން | ރިވިއު ކުރީ: ހުޝާމް މުހަޢްމަދް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް