ރާއްޖެ
ކުޑަ ކުދިންނަށް ޖިންސީ ގޯނާ ކުރުން
ދެކުނުގެ ރަށެއްގައި ކުޑަ ކުއްޖަކަށް ޖިންސީ ގޯނާ ކުރި މައްސަލައެއް ފުލުހުން ބަލަން ފަށައިފި
މި މައްސަލަ ދަނީ ތަހުގީގު ކުރަމުން ކަމަށް ފުލުހުން ބުނި
އަޒްލިފާ އަބްދުﷲ, ރާއްޖެ އެމްވީ | 7 ޖުލައި 2019 | އާދީއްތަ 19:54
ފުލުހުންގެ އިދާރާ
އުމުރުން 8 އަހަރުގެ ކުޑަ ކުއްޖަކަށް ޖިންސީ ގޯނާ ކުރި މައްސަލައެއް ބަލަމުންދާ ކަމަށް ފުލުހުން ބުނެފިއެވެ.
ފުލުހުން ބުނީ މިހިނގާ ޖުލައި މަހުގެ ތިން ވަނަ ދުވަހު ރާއްޖޭގެ ދެކުނުގެ ރަށެއްގައި 8 އަހަރުގެ ކުޑަ ކުޑަކުއްޖަކަށް އޭނާގެ ތިމާގެ މީހަކު ޖިންސީ ގޯނާކޮށްފައިވާ މައްސަލައެއް ފުލުހުންނަށް ހުށަހެޅިފައިވާ ކަމަށެވެ.
އަދި މިމައްސަލަ ފުލުހުން ތަހުގީގު ކުރަމުންދާ ކަމަށާއި ކުޑަކުދިންނަށް ކުރާ އަނިޔާއަކީ ފުލުހުން ސީރިއަސް މައްސަލައެއްގެ ގޮތުގައި ބަލާ މައްސަލައެއް ކަމަށެވެ.
އަނިޔާ ލިބޭ ކުޑަކުދިންގެ އައިޑެންޓިޓީ ރައްކައުތެރިކުރުމަށްޓަކައި އެކުދިންގެ އަތޮޅާއި ރަށް ހާމަ ނުކުރާ ކަމަށް ފުލުހުން ބުންޏެވެ.
