ތަހުގީގު ކުރަމުން އަންނައިރު، ސައްހަ ނޫން މައުލޫމާތު ދައުރު ނުކުރުމަށް ފުލުހުން އިލްތިމާސްކޮށްފި
ރޭގައި ހިނގާދިޔަ ކަންތައް ފުލުހުންގެ ޕްރޮފެޝަނަލް ސްޓޭންޑާޑްސް ކޮމާންޑާއި މިނިވަން މުއައްސަސާތަކުން އަންނަނީ ތަހުގީގު ކުރަމުން
ކޮމިޝަނަރ އޮފް ޕޮލިސް ހަމީދް
ހުކުރު ދުވަހުގެ ރޭ ފުލުހުންތަކެއް މީހަކަށް އަނިޔާކުރާ ވީޑިއޯއެއް އާންމުވެ، އެ ވީޑިއޯގެ މައްސަލަ ފުލުހުންނާއި މިނިވަން މުއައްސަސާތަކުން ތަހުގީގު ކުރަމުން އަންނައިރު، ސައްހަ ނޫން މައުލޫމާތު ދައުރު ނުކުރުމަށް ފުލުހުން އިލްތިމާސްކޮށްފިއެވެ.
ފުލުހުން ކުރި ޓުވީޓެއްގައި ބުނީ، ހުކުރު ދުވަހުގެ ރޭ ޑްރަގް އެންފޯސްމަންޓް ޑިޕާޓްމެންޓުން އޮޕަރޭޝަން ހިންގުމުގެ ތެރޭގައި ހިނގާދިޔަ ކަންތައްތައް ފުލުހުންގެ ޕްރޮފެޝަނަލް ސްޓޭންޑާޑްސް ކޮމާންޑާއި މިނިވަން މުއައްސަސާތަކުން ތަހުގީގު ކުރަމުން ދަނިކޮށް، އެ އަމަލުތައް ހިންގީ މިވެނި ބަޔަކު ކަމަށްބުނެ މީސް މީޑިއާގައި ފުލުހުންގެ މުވައްޒަފުންތަކެއްގެ ފޮޓޯޖަހާ، އެ މުވައްޒަފުންނަށް އެކި ގޮތްގޮތުން އިންޒާރުދީ ބިރުދައްކާކަން ފާހަގަ ކުރެވިފައިވާކަމަށެވެ.
ފުލުހުންގެ އޮޕަރޭޝަނެއްގައި ފުލުހުންތަކެއް މީހަކަށް އަނިޔާކުރާ ވީޑިއޯއެއް ސޯޝަލް މީޑިއާގައި އާއްމުވުމާއެކު ކޮމިޝަނަރ އޮފް ޕޮލިސް މުހައްމަދު ހަމީދުވަނީ އެކަން ކުށްވެރި ކުރައްވައި، އެ އަމަލު ހިންގި ފުލުހުން ސަސްޕެންޑް ކުރުމަށްފަހު ތަހްގީގު ކުރާނެކަން ހާމަކުރައްވާފައެވެ.
