އާސެނަލްއިން ބްރެޒިލްގެ ޒުވާން ކުޅުންތެރިޔާ މާރޓިނެލީގެ ސޮއި ހޯދައިފި
2 ޖުލައި 2019 | އަންގާރަ 15:47މާރޓިނެލީ ވަނީ އާސެނަލާއެކު ދިގު މުއްދަތެއްގެ ކޮންޓްރެކްޓެއްގައި ސޮއި ކޮށްފަ
މާރޓިނެލީ އާސެނަލް އަށް ބަދަލުވީ ހަ މިލިއަން ޔޫރޯއަށް
އާސެނަލްއިން, ބްރެޒިލްގެ ޒުވާން ފޯވާޑް ގެބްރިއެލް މާރޓިނެލީގެ ސޮއި ހޯދައިފިއެވެ.
ރިޕޯޓްތަށް ބުނާ ގޮތުން އާސެނަލްއިން މާރޓެނަލީއަށް ހަ މިލިއަން ޔޫރޯ ވަނީ ހޭދަ ކޮށްފައެވެ.
މާރޓެނަލީ ވަނީ އާސެނެލާއެކު ދިގު މުއްދަތެއްގެ ކޮންޓްރެކްޓްއެއްގައި ސޮއި ކޮށްފައެވެ.
މާރޓެނަލީ ވަނީ ކޮޕާ އެމެރިކާ ގައި ކުޅޭ ބްރެޒިލްގެ ސީނިއާރ ޓީމާއެކު ފަރިތަކުރުން ތަކުގައި ބައިވެރިވެފައެވެ.
މާރޓެނަލީ ދިން ބަޔާނުގައި އޭނާ ވަނީ ޔޫރަޕްގެ ބޮޑު ޓީމަކަށް ކުޅުމަކީ އޭނާ އަދި އޭނާގެ އާއިލާގެ ހުވަފެނެއް ކަމަށާއި އާސެނަލުން ފުރުސަތު ލިބުމުން ފުރުސަތުގެ ބޭނުން ހިފާނެކަމަށެވެ.
މީގެ އިތުރުން އޭނާ ބުނީ އޭނާ އަކީ ހުރިހާ ވަގުތެއް ފުޓުބޯޅައަށް ހޭދަ ކުރާ ކުޅުންތެރިޔެއް ކަމަށާއި އާސެނަލުގައި ގިނަ ތަށިތަކެއް ހޯދަން ބޭނުންވާ ކަމަށެވެ.
އާސެނަލުން ވަނީ މާރޓެނަލީ ގެ ސޮއި ހޯދިކަން ކަށަވަރު ކޮށްދީފައެވެ.
މާރޓެނަލީ ބުނީ އޭނާގެ "ރޯލް މޮޑެލް" އަކީ ޕޯޗުގަލްގެ ތަރި ކުރިސްޓިއާނޯ ރޮނާލްޑޯ ކަމަށާއި ރޮނާލްޑޯއަކީ އޭނާގެ ބުރަ މަސައްކަތުން ކާމިޔާބު ހޯދާ ކުޅުންތެރިޔެއް ކަމަށެވެ. އަދި މާރޓެނެލީ ބުނީ ރޮނާލްޑޯ، މެސީ އަދި ނޭމާ އަކީ ކޮންމެ ވަގުތަކުވެސް މެޗެއްގެ ނަތީޖާ ބަދަލު ކޮށްލެވޭނެ ފަދަ ކުޅުންތެރިންކަން ކަމަށެވެ.
