ސިފައިންގެ ވަޒީފާއަށް ވަނުމުގެ ފުރުސަތު ހުޅުވާލައިފި
2 ޖުލައި 2019 | އަންގާރަ 13:05ވަޒީފާއަށް ކުރިމަތި ލުމުގެ ފުރުސަތު 10 ދައިރާއަކުން ހުޅުވާލާފައިވޭ
ސިފައިންގެ އަހަރީ ދުވަސް ފާހަގަކުރުމަށް ބޭއްވި ޖަލްސާގެ ތެރެއިން
މޯލްްޑިވްސް ނޭޝަނަލް ޑިފެންސް ފޯސް (އެމްއެންޑީއެފް)ގެ ވަޒީފާއަށް ކުރިމަތިލުމުގެ ފުރުސަތު ހުޅުވާލައިފިއެވެ.
އަންގާރަ ދުވަހު އެމްއެންޑީއެފުން ކުރި އިއުލާނެއްގައި ބުނީ، ސިފައިންގެ ވަޒީފާއަށް ކުރިމަތި ލުމުގެ ފުރުސަތު 10 ދައިރާއަކުން ހުޅުވާލާފައިވާ ކަމަށެވެ. ސިފައިންގެ ވަޒީފާއަށް ކުރިމަތިލާ ފަރާތަކީ ދަށްވެގެން ޖީސީއީ އޯލެވެލް ފެންވަރު ނުވަތަ އެފެންވަރުގެ ވޮކޭޝަނަލް ސެޓްފިކެޓެއް އޮތް އުމުރުން 18 އަހަރާއި 25 އަހަރާ ދެމެދުގެ މީހަކަށް ވާން ޖެހޭ ކަމަށް އިއުލާންގައިވެއެވެ.
އޭގެ އިތުރުން، ދިވެހި ރައްޔިތެއް ކަމުގައިވުމާއި، ސިފައިންގެ ވަޒީފާ އަދާކުރެވޭފަދަ ޞިއްޙަތެއްގައި ހުރި މީހަކު ކަމުގައިވުމާއި، ވޭތުވެދިޔަ 5 އަހަރު ދުވަހުގެ ތެރޭގައި ކުށުގެ ރެކޯޑެއް އޮތް މީހަކު ކަމުގައި ނުވުންވެސް ޝަރުތުތަކުގެ ތެރޭގައި ހިމެނޭ ކަމަށް އެމްއެންޑީއެފްގެ އިއުލާނުގައި ބުނެފައިވެއެވެ.
ސިފައިންގެ ވަޒީފާއަށް ކުރިމަތި ލުމުގެ ފުރުސަތު ހުޅުވާލާފައިވާ ދާއިރާ ތަކަކީ:
މި ވަޒީފާއަށް ކުރިމަތިލައްވާ ފަރާތްތަކުގެ ވަކި އިސްކޮޅެއް ހުންނަން ޖެހޭއިރު، ފިރިހެނެއް ނަމަ 5 ފޫޓް 5 އިންޗި އަދި އަންހެނެއް ނަމަ 5 ފޫޓް 3 އިންޗި ފުރިހަމަވާންޖެހެ އެވެ. އަދި އެއްވެސް ސިޔާސީ ޕާޓީއެއްގެ މެމްބަރެއްކަމުގައި ނުވުންވެސް މި ވަޒީފާއަށް ކުރިމަތިލައްވާ ފަރާތްތަކުގެ ޝަރުތުތަކުގެ ތެރޭގައި ހިމެނެއެވެ.
އެމްއެންޑީއެފުން އިތުރަށް ބުނީ، ސިފައިންގެ ވަޒީފާއަށް ކުރިމަތިލާ ފަރާތްތަކުން 2019 ޖުލައި 02 ވަނަ ދުވަހުން ފެށިގެން 2019 ޖުލައި 31 ވާ އާދީއްތަ ދުވަހުގެ 14:00 އާ ހަމައަށް ފޯމު ހުށައެޅުމުގެ ފުރުސަތު ހުޅުވާލާފައިވާ ކަމަށެވެ.
