އެމްޑީޕީގެ ޕީޖީ ލީޑަަރަކަށް ކުރިމަތިލެއްވި ހަމައެކަނި މެމްބަރަކަށް އާޒިމް
30 ޖޫން 2019 | އާދީއްތަ 20:07ޑެޕިއުޓީ ލީޑަރަކަށް އިލްޔާސް އާއި ޝަހީމް ވަނީ ކުރިމަތިލައްވާފައި
އެމްޑީޕީގެ މަޖިލީސް މެމްބަރުން ތަކެއް
ޖުލައި މަހުގެ ދެވަނަ ދުވަހު ބޭއްވުމަށް ހަމަޖެހިފައިވާ އެމްޑީޕީ ޕާލިމެންޓްރީ ގްރޫޕުގެ އިންތިހާބުގައި ކުރިމަތި ލައްވާފައިވާ މެމްބަރުންގެ ނަންތައް އިއުލާން ކޮށްފި އެވެ.
އެމްޑީޕީގެ ޕާލިމެންޓަރީ އިންތިހާބުގައި ޕާލިމެންޓްރީ ގްރޫޕުގެ ލީޑަރަކަށް ހަމައެކަނި ކުރިމަތިލައްވާފައިވާ މެމްބަރަކީ މެދު ހެންވޭރު ދާއިރާގެ މެމްބަރު އަލީ އަޒީމް އެވެ.
އާޒިމް އަކީ 18 ވަނަ މަޖިލީހުގައި ވެސް މެދު ހެންވޭރު ދާއިރާގެ މެމްބަރުކަން ކުރައްވާފައިވަ ބޭފުޅެކެެވެ. 18 ވަނަ މަޖިލީހުގައި އެމްޑީޕީ ޕީޖީ ލީޑަރަކުން ކުރައްވާފައިވަނީ ހިތަދޫ އުތުރު ދާއިރާގެ މެމްބަރު އަހުމަދު އަސްލަމް އެވެ.
ޑެޕިއުޓީ ލީޑަރުންނަށް ކުރިމަތިލައްވާފައިވަނީ ހުޅުދޫ ދާއިރާގެ މެމްބަރު އިލްޔާސް ލަބީބްގެ އިތުރުން ހެންވޭރު ދެކުނު ދާއިރާގެ ހުސައިން ޝަހީމް އެވެ.
އަމީންއާންމުންގެ މަގާމަށް ކުރިމަތިލައްވާފައިވަނީ އަލިފުށި ދާއިރާގެ މެމްބަރު މުހައްމަދު ރަޝީދު ހުސެއިން (ބިގޭ) އެވެ.
އާމިންއާންމުގެ ނައިބުގެ މަގާމަށް ފުވައްމުލަކު މެދު ދާއިރާގެ މެމްބަރު ހުސައިން މުހައްމަދު ދީދީ ކުރިމަތި ލައްވާފައިވާއިރު, ޗީފް ވިޕަކަށް ކުރިމަތިލައްވާފައިވަނީ މީދޫ ދާއިރާގެ މެމްބަރު ރޮޒައިނާ އާދަމް އެވެ. އަދި ވިޕުންގެ މަގާމަށް ހަތް މެމްބަރަކު ކުރިމަތި ލައްވާފައިވާ ކަމަށް އެމްޑީޕީން ބުންޏެވެ.
