އެކްސަސައިޒް ރަންނަމާރި ހަންޓް 2019 ކުރިއަށްދާ ގޮތް ޗީފް އޮފް ޑިފެންސް ފޯސް ބައްލަވާލައްވައިފި
26 ޖޫން 2019 | ބުދަ 16:39ބައްލަވާލެއްވުމަށް ބުދަ ދުވަހު މެންދުރު ފަހު ޝަމާލް ރ. މީދޫއަށް ވަޑައިގެންފައިވޭ
އެކްސަސައިޒް ރަންނަމާރި ހަންޓް 2019
މޯލްޑިވްސް ނޭޝަނަލް ޑިފެންސް ފޯސް (އެމްއެންޑީއެފް) އިން ރ. މީދޫގައި ކުރިއަށްގެންދާ "އެކްސަސައިޒް ރަންނަމާރި ހަންޓް 2019" ކުރިއަށް ދާ ގޮތް ޗީފް އޮފް ޑިފެންސް ފޯސް މޭޖަރ ޖެނެރަލް ޢަބްދުﷲ ޝަމާލް ބައްލަވާލައްވައިފިއެވެ.
މި ހަންޓް ބައްލަވާލެއްވުމަށް ބުދަ ދުވަހު މެންދުރު ފަހު ޝަމާލް ރ. މީދޫއަށް ވަޑައިގެންފައިވާއިރު، މި ތަމްރީންތަކުގެ ބައިތައް މާލޭ އޭރިއާއިން މާލެ، ވިލިމާލެ، ހުޅުލެ، ހުޅުމާލެ އަދި، ކ. ތިލަފުށި ސަރަޙައްދުގައި ކުރިއަށް ގެންގޮސްފައިވާއިރު، ނޮދަން އޭރިއާއިން ޅ. އަދި ރ. އަތޮޅުގައި ވެސް ކުރިއަށްދެއެވެ.
މިމަހުގެ 23 އިން 27 އަށް، ކުރިއަށް ގެންދާ މި ހަންޓްގެ އެންމެ ފަހުގެ ތަމްރީންތައް ރ މީދޫގައި ކުރިއަށްގެންދާއިރު، ސިމިއުލޭޝަންގެ ގޮތުގައި ސިފައިން ބޭނުން ކުރާ ހަތިޔާރާއި ގޮވާތަކެތި އެއްގަމާއި ކަނޑުގައި ބޭނުން ކުރަމުން ދާނެ ކަމަށާއި، މި އެކްސަސައިޒް ހުކުރު ބުރާސްފަތި ދުވަހު ނިންމާލާނެ ކަމަށް އެމްއެންޑީއެފުން ބުނެއެވެ.
ޗީފް އޮފް ޑިފެންސް ފޯސްގެ އިތުރުން އެމްއެންޑީއެފް މާލެ އޭރިއާގެ ކޮމާންޑަރ ކާނަލް ޢަބްދުލް ރައޫފް ވެސް މި ދަތުރުފުޅުގައި ބައިވެރިވެ ވަޑައިގެންފައިވެއެވެ.
