މާފުށި ޖަލުން ތޫނު ކޮށްފައި އޮތް ހަތިޔާރެއް ހޯދައިފި
24 ޖޫން 2019 | ހޯމަ 08:5908 މޯބައިލް ފޯނުވަނީ ހޯދާފައި
ހަތިޔާރެއްގެ ގޮތުގައި ބޭނުންކުރެވިދާނެ އެއްޗެއް
ކ. މާފުށީ ޖަލުގައި ކުރިއަށް ގެންދިޔަ ބަލާ ފާސްކުރުމުގެ އޮޕަރޭޝަންގައި ތޫނު ކޮށްފައި އޮތް ހަތިޔާރެއް ހޯދައިފިއެވެ.
ކޮމިޝަނަރ އޮފް ޕްރިޒަންސް އަބްދުﷲ މުނާޒް ކުރެއްވި ޓްވީޓެއްގައި ވިދާޅުވީ ބަލާ ފާސްކުރެވުނު މާފުށި ޖަލުގައި ޔުނިޓްގެ ގޮޅިތަކުން ފެނިފައި ވަނީ ގޮޅިން ނައްޓާލާފައިވާ ތޭރިދަގަނޑުތަކާ އެނބުރި ދަގަނޑުން ތައްޔާރުކޮށް ތޫނު ކޮށްފައި އޮތް, ހަތިޔާރެއްގެ ގޮތުގައި ބޭނުންކުރެވިދާނެ އެއްޗެއް ކަމަށެވެ.
މީގެ އިތުރުން އަށް މޯބައިލް ފޯނު ފެނިފައިވާ ކަމަށް ކޮމިޝަނަރު މުނާޒު ވިދާޅުވިއެވެ.
މާފުށި ޖަލުގައި ޖޫން 20 ވަނަ ދުވަހު ހިނގާދިޔަ ހަމަނުޖެހުމަށް ފަހު މިނިސްޓަރ އޮފް ހޯމް އެފެއާޒްގެ އިރުޝާދުގެ މަތިން ކޮމިޝަނަރ އޮފް ޕްރިޒަންސް އާއި ޑެޕިއުޓީ ކޮމިޝަނަރ އޮފް ޕްރިޒަންސް އާއި އިންސްޕެކްޓަރ އޮފް ކަރެކްޝަނަލް ސަރވިސްގެ ހާޒިރުގައި ފުރިހަމައަށް އޯޑިއޯ އަދި ވީޑިއޯ ރިކޯޑް ކުރެވިގެން ބަލާ ފާސްކުރުމުގެ ކަންތައްތައް ކުރިއަށް ގެންދިޔުމަށް ވަނީ ނިންމާފައެވެ.
