ގެއްލުނު ކުއްޖާ ހޯދަން ތިން ގެއެއް ބަލައި ފާސްކުރިން: ފުލުހުން
ގެއްލިގެން ހޯދަމުންދަނީ އުމުރުން 14 އަހަރުގެ ޝައިމް އަބްދުﷲ
ފުލުހުން ގެއެއް ބަލައި ފާސްކުރުމަށްފަހު ނިކުންނަނީ
ގެއްލިގެން ހޯދަމުންދާ ދަފްތަރު ނަމްބަރު 2997 ޝައިމް އަބްދުﷲ ހޯދުމަށް މިހާތަނަށް ތިން ގެއެއް ބަލައި ފާސްކޮށްފައިވާ ކަމަށް ފުލުހުން ބުނެފިއެވެ.
އާދީއްތަ ދުވަހުގެ ރޭ ފުލުހުން ބުނީ، މި މަހު 18 ވަނަ ދުވަހު 14 އަހަރުގެ ކުޑަ ފިރިހެން ކުއްޖެއް ގެއްލިގެން މައްސަލައެއް ހުށަހަޅާފައިވާ ކަމަށާއި، މައްސަލަ ހުށަހެޅުމާއެކު އެފަދަ މައްސަލަތަކުގައި އަމަލުކުރާ އުސޫލުން އަމަލުކޮށްފައިވާ ކަމަށެވެ.
އެގޮތުން މި މަހު 20 ވަނަ ދުވަހު އެ ކުއްޖާ ހޯދުމަށް އިއުލާންކޮށްފައިވާ ކަމަށާއި، އެ ކުއްޖާ ހޯދުމަށް މިހާތަނަށް ތިން ގެއެއް ބަލައި ފާސްކޮށްފައިވާ ކަމަށް ފުލުހުން ވަނީ ބުނެފައެވެ. އަދި ސީސީޓީވީ ފުޓޭޖްތައް ބަލައިގެންވެސް ކުއްޖާ ހޯދުމަށް މަސައްކަތް ކޮށްފައިވާ ކަމަށްވެސް ފުލުހުން ވަނީ ބުނެފައެވެ.
މީގެއިތުރުން ފުލުހުން ބުނީ، މިހާރުވެސް އެ ކުއްޖާ ހޯދުމަށް މަސައްކަތް ކުރަމުން އަންނަ ކަމަށާއި، ކުއްޖާއާ ބެހޭ އެއްވެސް މައުލޫމާތެއް ލިބިފައިވާނަމަ 3000600 ނަމްބަރ ފޯނަށް ގުޅުއްވައި މައުލޫމާތު ހިއްސާކުރުމަށް އިލްތިމާސްކުރާ ކަމަށެވެ.
