އެމްއެންޑީއެފްގެ ރަންނަމާރި ހަންޓް އާދިއްތަ ދުވަހު ފަށަނީ
މި ހަރަކާތް ކުރިއަށްދާނީ މި ހިނގާ ޖޫން މަހުގެ 23 ވަނަ ދުވަހުން 27 ވަނަ ދުވަހަށް
މޯލްޑިވްސް ނޭޝަނަލް ޑިފެންސް ފޯސްގެ އޮފިސަރުން
މޯލްޑިވްސް ނޭޝަނަލް ޑިފެންސް ފޯސް (އެމް.އެން.ޑީ.އެފް) އިން ކޮންމެ އަހަރަކު ހިންގަމުން އަންނަ އަސްކަރީ ތަމްރީން "އެކްސަސައިޒް ރަންނަމާރި ހަންޓް- 2019" މި ހިނގާ ޖޫން މަހުގެ 23 ވަނަ ދުވަހުން 27 ވަނަ ދުވަހަށް ކުރިއަށް ގެންދިއުމަށް ނިންމައިފިއެވެ.
އެމްއެންޑީއެފް އިން ބުނީ މި ތަމްރީން ކުރިއަށް ގެންދިއުމަށް ހަމަޖެހިފައިވަނީ މާލޭ އޭރިއާ އިން މާލެ، ވިލިމާލެ، ހުޅުލެ، ހުޅުމާލޭގެ އިތުރުން ކ. ތިލަފުށި ސަރަޙައްދުގައި ކަމަށެވެ. އަދި ނޮދަން އޭރިއާ އިން ޅ. އަދި ރ. އަތޮޅުގައި މި ތްމްރީން ކުރިއަށްދާނެ ކަމަށް އެމްއެންޑީއެފް އިން މައުލޫމާތުދެއެވެ.
މި ތަމްރީނުގައި ހަރަކާތްތެރިވާއިރު، ސިމިއުލޭޝަންގެ ގޮތުގައި ސިފައިން ބޭނުންކުރާ ހަތިޔާރާއި ގޮވާ ތަކެތި އެއްގަމާއި ކަނޑުގައި ބޭނުންކުރުމަށް ހަމަޖެހިފައިވާ ކަމަށާއި އަދި މާލެ އާއި ހުޅުމާލޭގައި އާރމަޑް ވެހިކަލް، ބޭނުންކުރާނެ ކަމަށް ވެސް އެމްއެންޑީއެފް އިން ވަނީ ބުނެފައެވެ.
މި ތަމްރީން ހަރަކާތަކީ އެމްއެންޑީއެފް އިން ކޮންމެ އަހަރަކު ހިންގަމުން އަންނަ އެކްސަސައިޒްއެކެވެ.
