މާލެ ސިޓީގައި ފެއަރ، ނައިޓްމާރކެޓް ނުވަތަ މަގުމަތީ ބާޒާރު ބޭއްވުމަށް ހުއްދަ ދޫކުރުމަށް ހަމަޖެހިފައިވާ ދުވަސްތައް ކަނޑައަޅައިފިއެވެ.

މާލެ ސިޓީ ކައުންސިލުން ކުރި އިއުލާނެއްގައި ބުނީ ފެއަރ އަދި މަގުމަތީ ބާޒާރު މާލެ ސިޓީގެ މާލެ، ވިލިމާލެ، ހުޅުމާލޭގައި ބޭއްވުމަށް ހުއްދަ ދޫކުރުމަށް ހަމަޖެހިފައިވާ ދުވަސްތަކަކީ އަޟްހާ އީދު، ފިތުރު ދުވަސް، ރާއްޖެ އިސްލާމްވީ ދުވަސް، ކީރިތިރަސޫލާގެ އީދުމީލާދު ދުވަސް، މިނިވަން ދުވަސް، ގައުމީ ދުވަސް، ޖުމްހޫރީ ދުވަސް، މީލާދީ އައު އަހަރު ފެށޭ ދުވަސް، ހިޖްރީ އައު އަހަރު ފެށޭ ދުވަސް، މަސައްކަތްތެރިންގެ ދުވަސް، ނަސްރުގެ ދުވަސް އަދި ޝަޢުބާން މަސް ކަމަށެވެ.

ކައުންސިލުން ބުނީ ފެއަރ އަދި މަގުމަތީ ބާޒާރު ބޭއްވުމުގެ ހުއްދަ ދޫކުރުމަށް ހަމަޖެހިފައިވާ ދުވަސްތަކުގައި ބާއްވަން ބޭނުންވާ ފަރާތްތަކުން ހުއްދައަށް އެދޭ ފޯމް ސިޓީ ކައުންސިލުން ލިބެން ހުންނާނެ ކަމަށެވެ.

ފޯމް ބަލައިގަތުމަށް މަޖެހިފައިވަނީ ރަސްމީ ދުވަސްދުވަހުގެ ހެނދުނު 10:00 އިން 13:00 އަށް މާލެ ސިޓީ ކައުންސިލްގެ މާފަންނު އޮފީހުން ކަމަށް ކައުންސިލުން ބުންޏެވެ.