ވޭނެއްގައި އަލިފާން ރޯކޮށްލައިފި
ވޭނަށް ބޮޑެތި ގެއްލުންތަކެއް ލިބިފައިވޭ
ސިމާހާ ނަސީމް | 18 ޖޫން 2019 | އަންގާރަ 21:10
ރޯކޮށްލާފައިވާ ވޭން
ލ. ގަން، ހަވިއްތަ ކައިރީ ބީޗް މަގުގައި އޮތް ވޭނެއްގައި އަލިފާން ރޯކޮށްލައިފިއެވެ.
ސިފައިންގެ މީޑިއާ އޮފިޝަލް ވިދާޅުވީ ވޭންގައި ރޯވި އަލިފާންގަނޑު އެމްއެންޑީއެފް ސެންޓްރަލް އޭރިއާ ފަޔަރ އެންޑް ރެސްކިއު ސަރވިސްގެ ފަޔަރމަނުން އަންގާރަ ދުވަހުގެ ރޭ 21:45 ހާއިރު ނިއްވާލާފައިވާ ކަމަށެވެ.
ވޭނަށް ބޮޑެތި ގެއްލުންތަކެއް ލިބިފައިވާ ކަމަށާއި މި ހާދިސާގައި އެއްވެސް މީހަކަށް އަނިޔާ ނުވާ ކަމަށް ސިފައިން ބުންޏެވެ.
މި ހާދިސާ ހިނގައިގެން ރިޕޯޓްކޮށްފައިވަނީ އަންގާރަ ދުވަހުގެ ރޭ 21:16 ހާއިރުއެވެ.
މޯލްޑިވްސް ޕޮލިސް ސަރވިސް އިން މި ހާދިސާ ތަހުޤީޤު ކުރަމުންދާ ކަމަށް ސިފައިން ވަނީ ބުނެއެވެ.
