މާފަންނު ގެސްޓުހައުސްއެއްގެ ތެރޭގައި ހޭނެތިފައި އޮތް މީހަކު އައިޖީއެމްއެޗަށް ގެންގޮސްފި
އުމުރުން 22 އަހަރުގެ ފިރިހެނެއް
މާފަންނު ގެސްޓުހައުސްއެއްގެ ތެރޭގައި ހޭނެތިފައި އޮތް މީހަކު އައިޖީއެމްއެޗަށް ގެންދިއުން
މާފަންނު ގެސްޓުހައުސްއެއްގެ ތެރޭގައި ހޭނެތިފައި އޮތް މީހަކު އައިޖީއެމްއެޗަށް ގެންގޮސްފިއެވެ.
އަންގާރަ ދުވަހު ހިނގި މި ހާދިސާއާ ގުޅޭ ގޮތުން ފުލުހުންގެ މީޑިއާ އޮފިޝަލު ވިދާޅުވީ، މާފަންނުގައި ހުންނަ ގެއެއްގެ ތެރޭގައި 22 އަހަރުގެ ފިރިހެނަކު ހަރަކާތެއް ނެތި ހޭނެތިފައި އޮތް ކަމުގެ ރިޕޯރޓް އަންގާރަ ދުވަހު މެންދުރު 12:18 ހާއިރު ފުލުހުންނަށް ހުށައެޅުމާ ގުޅިގެން ފުލުހުން އެތަނަށް ގޮސް އެ މީހާ އައިޖީއެމްއެޗަށް ގެންގޮސްފައިވާ ކަމަށާއި، އޭނާގެ އަނގައިން ފޮނުތަކެއް އަރައި އެއްކޮށް ހަރަކާތް ހުއްޓިފައިވާ ކަމަށެވެ.
އޭނާ ފެނިފައި ވަނީ އޯކިޑް މަގުގައި ހުންނަ ޑްރީމް ރިލެކްސް ގެސްޓުހައުސް އިންނެވެ.
އޭނާ އައިޖީއެމްއެޗް ހޮސްޕިޓަލަށް ގެންގޮސްފައިވާއިރު، އައިޖީއެމްއެޗުން ބުނީ އޭނާގެ ހާލާއިމެދު މިވަގުތު އެއްޗެއް ބުނެވެން ނެތް ކަމަށާއި، ޑޮކްޓަރުން އޭނާ ބަލަމުންދާ ކަމަށެވެ.
މި ހާދިސާ ހިނގި ތަނުގައި ފުލުހުން ހަރަކާތްތެރިވަމުންދާއިރު، ފުލުހުން ދަނީ މި މައްސަލަ ބަލައި ތަހުޤީޤު ކުރަމުންނެވެ.
