ކ. މާލެ
|
16 ޖޫން 2019 | އާދީއްތަ 12:33
ހެލްތު މިނިސްޓަރ އަބްދުﷲ އަމީން
ހެލްތު މިނިސްޓަރ އަބްދުﷲ އަމީން
ޝުއައިބް މުހައްމަދު އިގްބާލް
ސިއްހީ ޚިދުމަތްތައް ތަރައްޤީ ކުރުން
އިތުރު 5 ހޮސްޕިޓަލް މާލެއެކޭ އެއް ފެންވަރެއްގައި ތަރައްޤީ ކުރަނީ
 
މިއަހަރު ނިމުމުގެ ކުރިން 70 އަށްވުރެ ގިނަ ރަށަށް އެމްބިއުލާންސް ފޯރުކޮށްދޭނެ
 
9 ރަށެއްގެ ހެލްތު ސެންޓަރުތައް ހޮސްޕިޓަލުތަކަށް ބަދަލުކުރުމުގެ މަސައްކަތް ވެސް ދަނީ ކުރަމުން

އަތޮޅު ތެރެއިން އިތުރު ފަސް ހޮސްޕިޓަލް މާލެއާ އެއްވަރަށް ތަރައްޤީ ކުރުމަށް ނިންމާފައިވާ ކަމަށް ހެލްތު މިނިސްޓްރީން ބުނެފިއެވެ.

އާދިއްތަ ދުވަހު ހެލްތު މިނިސްޓްރީން ބޭއްވި ނޫސްވެރިންގެ ބައްދަލުވުމެއްގައި މިނިސްޓަރ އޮފް ހެލްތު އަބްދުﷲ އަމީން ވިދާޅުވީ، ސިއްހީ ޚިދުމަތްތައް އެއް ތަނަކަށް ތޮއްޖެހިފައި އޮންނަ އޮތުން ބަދަލު ކުރުމަކީ މި ސަރުކާރުގެ އަމާޒެއް ކަމަށާއި، އެގޮތުން މާލެއާ އެއް ފެންވަރެއްގައި ހުރިހާ ޚިދުމަތެއް ލިބޭ ގޮތަށް 10 ރަށެއްގައި ހޮސްޕިޓަލުތައް ތަރައްޤީ ކުރުމަށް ވިސްނަވާ ކަމަށެވެ. އެގޮތުން މިވަގުތު ޚާއްސަ ސަމާލުކަމެއްދީގެން ފަސް ހޮސްޕިޓަލެއް ތަރައްޤީ ކުރަމުން އަންނަ ކަމަށް މިނިސްޓަރ ވިދާޅުވިއެވެ.

ޚާއްސަ ސަމާލުކަމެއް ދީގެން މިވަގުތު ތަރައްޤީ ކުރާ ހޮސްޕިޓަލުތައް:

  1. ކުޅުދުއްފުށީ ރީޖަނަލް ހޮސްޕިޓަލް
  2. އުނގޫފާރު ރީޖަނަލް ހޮސްޕިޓަލް
  3. ގަމު ރީޖަނަލް ހޮސްޕިޓަލް
  4. ޑރ. އަބްދުއްސަމަދު މެމޯރިއަލް ހޮސްޕިޓަލް
  5. ހިތަދޫ ރީޖަނަލް ހޮސްޕިޓަލް

މިނިސްޓަރ އިތުރަށް ވިދާޅުވީ، އޭގެ އިތުރުން ވެސް ނުވަ ރަށެއްގެ ހެލްތު ސެންޓަރުތައް ހޮސްޕިޓަލުތަކަށް ބަދަލުކުރުމުގެ މަސައްކަތް ކުރަމުން އަންނަ ކަމަށާއި، އެ ތަންތަން ބިޑު ކުރެވި މިހާރު އެ މަސައްކަތް އޮތީ އެވާރޑިންގް މަރުހަލާގައި ކަމަށެވެ.

އޭގެ އިތުރުން، ބަޖެޓުގައި ހިމެނިފައި ނެތް ނަމަވެސް ބޭރުގެ އެހީ އާއި އިތުރަށް ބަޖެޓު ފަހިކޮށްގެން މި އަހަރު ނިމުމުގެ ކުރިން 70 އަށް ވުރެ ގިނަ ރަށަށް ބޭނުންވާ އެމްބިއުލާންސްގެ ޚިދުމަތް ފޯރުކޮށްދިނުމަށް މަސައްކަތް ކުރަމުންދާ ކަމަށާއި، ރައްޔިތުން ހިތްހަމަޖެހޭ ފަދަ ބަދަލެއް ފެންނާނެ ކަމަށް ވެސް މިނިސްޓަރ ވިދާޅުވިއެވެ.

ޚާއްސަކޮށް އެމްބިއުލާންސް ޚިދުމަތް ހަމަ އެއްވެސް ވަރަކަށް ނެތޭ ދެންނެވުމަކީ މުޅިއެކުން ދޮގަކަށް ނުވާނެ. މި ދެންނެވީ ދެބައިކުޅަ އެއްބައި ރަށުގެ އެމްބިއުލާންސްތައް ހަރަކާތްތެރިވާ ހިސާބަކު ނޫން ހުރީ، މިއަހަރު ބަޖެޓުގަ ފާހަގަކުރެވިފައެއް ނެތް އެމްބިއުލާންސްތައް ފޯރުކޮށްދިނުމެއް. އެހެން ނަމަވެސް ބޭރުގެ އެހީއާއި އަދި ބަޖެޓުގެ ތެރެއިން އަޅުގަނޑުމެންނަށް ފަހިކޮށްދެވުނު ފަހިކޮށްދިނުމުގެ ތެރެއިން މިހާރު އަޅުގަނޑުމެންގެ އަމާޒަކީ މިއަހަރު ނިމުމުގެ ކުރިން އަޅުގަނޑުމެންނަށް 70 އަށްވުރެ ގިނަ ރަށަށް އެމްބިއުލާންސް ފޯރުކޮށްދެވޭނެ،"
ހެލްތު މިނިސްޓަރ އަބްދުﷲ އަމީން

އެވްރެޖްކޮށް ރާއްޖޭގެ ހުރިހާ ރަށަކަށް ބަލާއިރު 187 ރަށުގެ ހެލްތު ސެންޓަރުތަކާއި ހޮސްޕިޓަލުތަކަށް 7000 އަށް ވުރެ ގިނަ މީހުން ޑޮކްޓަރަށް ދައްކާކަން ފާހަގަކުރައްވައި މިނިސްޓަރ އިތުރަށް ވިދާޅުވީ، ރަށްރަށުގެ ސިއްހީ ޚިދުމަތް ކުރިއަރުވައި މާލެއެކޭ އެއް ފެންވަރެއްގެ ޚިދުމަތްތައް ފޯރުކޮށްދިނުމަށް ސަރުކާރުން ކުރާ މަސައްކަތްތަކުގެ ތެރެއިން އިތުރު ޑޮކްޓަރުންނާއި ނަރުހުން ތަމްރީނުކޮށް، އެރަށް ރަށަށް ބޭނުންވާ ސްޕެޝިއަލިސްޓުންނާއި ފަންނީ ބޭފުޅުން ފޯރުކޮށްދިނުމުގެ މަސައްކަތް ވެސް ކުރަމުންދާ ކަމަށެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަލީ ޔޫސުފް
2%
79%
0%
9%
2%
7%
ކޮމެންޓް
16 ޖޫން 2019 | އާދީއްތަ 22:39
ލޮލް
ހީވަނީ ރާއްޖެތެރެ ހޮސްޕިޓަލްތަކެކޭ އެއްފެންވަރަށް މާލޭ ހޮސްޕިޓަލްތައް ފެންވަރު ދައްކުރާނީހެން. އޭރުން މާލެއާ އެއްފެންވަރުގަ ރާއްޖެތެރެއޮންނާނީ.
16 ޖޫން 2019 | އާދީއްތަ 19:50
އަލިފްހާ
ފުވައްމުލައް ސިޓީގެ ހޮސްޕިޓަލަކީ މިހާރުވެސް މާލެއާ އެއްފެންވަރުގެ ހޮސްޕިޓަލަކީތަ؟
16 ޖޫން 2019 | އާދީއްތަ 13:59
މާލެފެންވަރު
މާލެޔަކީ ކޮންފެންވަރެގެ ތަނެއް މާލޭ ހޮސްޕިޓާ މޮޅުކަމުން ކިޑްނީ ބަލިމީހުންގެ ބޭސްކޮޅުވެސް ނުލިބެނީ ގެރި ކުޑަކަމުދާ އިންޑިޔާގެ ތައްޕާހައް ނުވެއްޓި ސިންގަޕޯ ރަޝިޔާ ޔޫކްރޭން ފަދަ ތަންތަނުން ދެލޯހުރި އަޑުއިވޭ މަންމަނު ނޫންބަޔަކު ގެނެސްބަލަ