ތިމާވެށީގެ ދުވަހާ ގުޅިގެން ބާއްވާ ކާނިވާ ފަށައިފި
15 ޖޫން 2019 | ހޮނިހިރު 07:55ކާނިވާ ކުރިއަށް ދަނީ ހޮނިހިރު ދުވަހުގެ ހެނދުނު 10 އިން ރޭގަނޑު 10 އަށް
ތިމާވެށި ކާނިވާގެ ތެރެއިން
ތިމާވެށީގެ ދުވަހާ ގުޅިގެން، މިނިސްޓްރީ އޮފް އެންވަޔަރަމެންޓާއި މިނިސްޓްރީ އޮފް ޔޫތު އެންޑް ސްޕޯޓްސްގެ އިތުރުން މިނިސްޓްރީ އޮފް ފިޝަރީޒް، މެރިން ރިސޯސަސް އެންޑް އެގްރިކަލްޗަރ އިން ގުޅިގެން ބާއްވާ ތިމާވެށީގެ ކާނިވާ ފަށައިފިއެވެ.
މި ކަނިވާ ފެށުމުގެ ގޮތުން، ހޮނިހިރު ދުވަހު ސޯޝަލް ސެންޓަރުގައި ބޭއްވި ރަސްމިއްޔާތު ޝަރަފުވެރި ކޮށްދެއްވާފައިވަނީ، އެންވަޔަރަމެންޓް މިނިސްޓަރު ޑރ، ހުސައިން ރަޝީދުގެ އިތުރުން ފިޝަރީސް މިނިސްޓަރު ޒަހާ ވަހީދެވެ.
މި ކާނިވާ ކުރިއަށް ދަނީ ހޮނިހިރު ދުވަހުގެ ހެނދުނު 10 ކުން ރޭގަނޑު 10 ގެ ނިޔަލަށެވެ. އަދި ކާނިވަލުގެ ތެރެއިން ހާއްސަ ސެޝަންތަކެއް ބޭއްވުމަށް ވަނީ ހަމަޖެހިފައެވެ.
ކާނިވާ ފެށުމުގެ ރަސްމިއްޔާތުގައި ވާހަކަ ދައްކަވަމުން މިނިސްޓަރު ހުސައިން ރަޝީދު ވިދާޅުވީ، މިފަދަ ޕްރޮގްރަމްތަކަކީ ރާއްޖެއަށް ވަރަށް ބޭނުންތެރި ޕްރޮގްރާމްތަކެއް ކަމަށެވެ. މިނިސްޓަރު ވިދާޅުވީ، ޒަމާނާ އެއްގޮތަށް ރައްޔިތުންގެ ބޭނުންތައް ފުއްދުމުގެ ބޭނުމުގައި ގަސްތައް ކަނޑާ، ގަސްކަރަ ނައްތާލަން ނުޖެހޭނެ ކަމަށެވެ.
ރަސްމިއްޔާތުގައި ވާހަކަފުޅު ދައްކަވަމުން މިނިސްޓަރ ޒަހާ ވިދާޅުވީ ތިމާވެށި ހިމަޔަތްކުރުމަށް ހަދާފައިވަ ގަވާއިދުތަކަށް ހުރުމަތްތެރިކޮށް ހިތަންޖެހޭ ކަމަށެވެ. ރާއްޖެއިން ބޭރުން ގެންނަ ބައެއް ގަސްގަހުގެ ސަބަބުން ރާއްޖޭގެ ގަސްގަހާގެއްސަށް ބަލިތައް ޖެހޭކަން މިނިސްޓަރު ފާހަގަ ކުރެއްވިއެވެ.
މި ކާނިވަލުގައި މައުލޫމާތު ދިނުމުގެ ސެޝަންތަކެއް ބޭއްވުމަށް ހަމަޖެހިފައިވާއިރު އެ ސެޝަންތައް އޮންނާނީ މެންދުރު 2:00 އިން ޖަހާއިރު އާއި 4:00 އަށެވެ.
ދުނިޔޭގެ ތިމާވެސީގެ ދުވަހާ ގުޅުވައިގެން ސަރުކާރުން ގެންދަނީ ތަފާތު ހަރަކާތްތައް ބާއްވަމުންނެވެ.
