މިއުޅެނީ ބޮޑުންނަށް އިންސާފު ހޯދަދޭކަށް ނޫން، އާދައިގެ ރައްޔިތުންނަށް އިންސާފު ހޯދަދޭން: މެމްބަރު އާޒިމް
18 ވަނަ މަޖިލިސް ރައްޔިތުން ބަލައެއް ނުގަނޭ
ހެންވޭރު ދާއިރާގެ އެމްޑީޕީގެ މެމްބަރު އަލީ އާޒިމް
ރައްޔިތުންގެ މަޖިލީހުން އެންމެ ބޮޑު އިސްކަމެއްދޭނީ އާދައިގެ ރައްޔިތުންނަށް އިންސާފު ހޯދަދިނުމަށް ކުރާ މަސައްކަތްތަކަށް ކަމަށް މެދު ހެންވޭރު ދާއިރާގެ އެމްޑީޕީގެ މެމްބަރު އަލީ އާޒިމް ވިދާޅުވެއްޖެއެވެ.
ރާއްޖެޓީވީގެ ފަލަސުރުހީ ޕްރޮގްރާމްގައި މެމްބަރު އާޒިމް ވިދާޅުވީ 18 ވަނަ މަޖިލީހާއި 19 ވަނަ މަޖިލީސް ވަރަށް ބޮޑުތަން ވަރަށް ތަފާތު ކަމަށާއި، މިހާރު މަސައްކަތްތައް ދާ ގޮތުން އެކަން ރައްޔިތުން ގަބޫލުކުރާ ކަމަށެވެ. އަދި 18 ވަނަ މަޖިލިސްގެ މެމްބަރުން 19 ވަނަ މަޖިލީއަށް ކުރިމަތިލެއްވި ނަމަވެސް ބޮޑުތަނުން ނާކާމިޔާބުވީވުމަކީ 18 ވަނަ މަޖިލީހުގައި ކަންކަން ހިނގާ ދިޔަ ގޮތް ރައްޔިތުން ބަލައި ނުގަންނަކަމުގެ އެންމެ ބޮޑު ހެކި ކަމަށެވެ.
19 މަޖިލީހަށް ރައްޔިތުން ކުރާ އުންމީދުތައް ވަރަށް ބޮޑުކަން ފާހަގަކުރައްވައި މެމްބަރު އާޒިމް ވިދާޅުވީ ރައްޔިތުންނަށް އިންސާފު ނުލިބި ހުރި ކަންތައްތައް މަދު ނޫން ކަމަށާއި، މަޖިލީހުން އެންމެ ބޮޑު އިސްކަމެއް ދޭނީ އާދައިގެ ރައްޔިތުންނަށް އިންސާފު ހޯދަދިނުމަށް ކަމަށެވެ. އަދި ވިދާޅުވީ އިންސާފު ހޯދައިދޭން މަސައްކަތް ކުރަނީ ވެރިންނާއި ސިޔާސީ ޕާޓީތަކުގެ ލީޑަރުންނަށް އެކަނި ނޫން ކަމަށެވެ.
މެމްބަރު އާޒިމް ވިދާޅުވީ ރައްޔިތުންގެ އުންމީދުތައް ވަނީ ޖުޑިޝަރީއާ ގުޅިފައި ކަމަށާއި، ނަމަވެސް އެ މުއައްސަސާ އިން ރައްޔިތުން ބިކަ ކޮށްފައިވާ ކަމަށެވެ. އަދި ވިދާޅުވީ ދައުލަތުން ގެއްލިފައި ހުރި ފައިސާތައް ހޯދަން ރައްޔިތުން ބޭނުންވާ ކަމަށެވެ.
އާޒިމް ވިދާޅުވީ ރާއްޖޭގެ ތަރައްގީއަށް ރައްޔިތުން ކުރާ އުންމީދުތައް ވަރަށް ފޮނި ކަމަށާއި، އެ ރައްޔިތުންނަށް ބޭނުންވާ ސާފު ބޯފެނާއި، ބޯހިޔާވަހިކަން އިންސާފުން ހަމަހަމަކަމާ އެކު ހޯދައިދޭނެ ކަމަށެވެ.
ކުރީގެ ރައީސް އަބްދުﷲ ޔާމީންގެ ސަރުކާރަށް ފާޑުވިދާޅުވެ މެމްބަރު އާޒިމް ވިދާޅުވީ މިދިޔަ 5 އަހަރުގެ ތެރޭގައި ރާއްޖެ 80 ގެ އަހަރުތަކުގެ ފަހަތަށް ގެންގޮސްފައިވާ ކަމަށެވެ.
އާޒިމް ވިދާޅުވީ މަސައްކަތްތައް ކުރިއަށް ގެންދަނީ ދެފުށް ފެންނަ ގޮތަށް ކަމަށާއި، އިސްކުރާނީ ރައްޔިތުން ކަމަށެވެ. އަދި ރައްޔިތުންގެ މަޖިލީހުން ރައްޔިތުން އެދޭ ބަދަލު ފެންނާނެ ކަމަށް އާޒިމް ވިދާޅުވިއެވެ.
