ކޮމަންވެލްތާއި އަނބުރާ ގުޅުމަށް ރާއްޖެއިން ލިޔެކިޔުންތައް ހުށަހަޅައިފިއެވެ.
މި ލިޔެކިޔުންތައް ފޮރިންގ މިނިސްޓަރ ޝާހިދު ހުށަހަޅުއްވާފައިވަނީ ކޮމަންވެލްތްގެ ސެކެޓްރީ ޖެނެރަލް ޕެޓްރީޝިއާ ސްކޮޓްލޭންޑާއި ބައްދަލުކުރެއްވުމަށްފަހު ބުދަ ދުވަހުއެވެ.
މި ބައްދަލުވުމުގައި ރާއްޖެއިން އަނބުރާ ކޮމަންވެލްތުގެ މެމްބަރު ޤައުމަކަށްވުމާއި ބެހޭ ގޮތުން މަޝްވަރާތައް ކުރިއަށް ގެންގޮސްފައިވާ ކަމަށް ފޮރިން މިނިސްޓްރީން މައުލޫމާތުދެއެވެ.
ސަރުކާރުގެ ފުރަތަމަ 100 ދުވަހުގެ ވައުދުގެ ތެރޭގައި ހިމެނިގެން، ކެބިނެޓްގެ ނިންމުމާއި އެއްގޮތަށް ކޮމަންވެލްތްގެ މެމްބަރު ޤައުމަކަށްވުމަށް މިނިސްޓަރ ޝާހިދު ވަނީ މީގެ ކުރިން ވެސް އެ ޖަމިއްޔާ އަށް ހުށަހަޅުއްވާފައެވެ.
ދިވެހިރާޖެއިން ކޮމަންވެލްތްގައި ފުރަތަމަ ބައިވެރިވެފައިވަނީ 9 ޖުލައި 1982 ގައެވެ. އަދި ކޮމަންވެލްތުން ވަކި ވެފައިވަނީ 13 އޮކްޓޫބަރު 2016 ގައެވެ.
