އަދީބު ބޭސްފަރުވާ އަށް ރާއްޖެއިން ބޭރަށް ފުރުމުގެ ހުއްދަދީފި
11 ޖޫން 2019 | އަންގާރަ 13:30ހުއްދަދީފައި ވަނީ އައިލާއިން އެދިގެން
ކުރީގެ ނައިބް ރައީސް އަހުމަދު އަދީބު ސުޕްރީމް ކޯޓަށް ވަދެވަޑައިގަންނަވަނީ
ކުރީގެ ނައިބް ރައީސް އަހުމަދު އަދީބް ބޭސްފަރުވާ އަށް ރާއްޖެއިން ބޭރަށް ފުރުމުގެ ހުއްދަ މޯލްޑިވިއަން ކަރެކްޝަނަލް ސާރވީސް އިން ދީފިއެވެ.
އަންގާރަ ދުވަހު ކަރެކްޝަނަލް ސާރވީސް އިން ކުރި ޓްވީޓެއްގައި ބުނީ، އަދީބް ރާއްޖެއިން ބޭރުން ބޭސްފަރުވާ ހޯދުމަށް މެޑިކަލް ބޯޑުން ލަފާދީފައިވާތީ އެ ހުއްދަ މޯލްޑިވިއަން ކަރެކްޝަނަލް ސާވީސް އިން ދީފައިވާ ކަމަށެވެ.
އަދީބުގެ ބޭސް ފަރުވާއާ ބެހޭ ގޮތުން އަދީބުގެ އަނބިކަނބަލުން މަރިޔަމް ނަޝްވާ ވިދާޅުވީ، އަދީބު ބޭސްފަރުވާ އަށް ހުއްދަ ދީފައިވާ ވަނީ އާއިލާއިން އެދިގެން ކަމަށެވެ. އަދީބުގެ ސިއްހީ ހާލަތު ގޯސްވެ އައިޖީއެމްއެޗުގައި ކިޑްނީގެ އޮޕަރޭޝަނެއް ކުރުމަށް ފަހު މީގެ ކުރިން ވެސް ގެއަށް ބަދަލު ކުރިއެވެ.
އަދީބްގެ ލޮލަށް ޖެހިފައިވާ ގްލޮކޯމާއަށް ފަރުވާދިނުމަށް އަދީބްގެ އާއިލާ އިން މީގެ ކުރިން ވަނީ އެތަކެއް ފަހަރު މަތިން އެދިފައެވެ.
އެމްއެމްޕީއާރްސީ އަށް ލިބުނު ފައިސާ އަށް ހިޔާނަތްތެރިވި ކަމުގެ ކުށުގައި އަދީބުގެ މައްޗަށް ކޮށްފައިވާ 15 އަހަރުގެ ހުކުމް ބާތިލްކޮށްފައިވާއިރު އެ މައްސަލަ އިސްތިއުނާފް ކުރުމަށް ދައުލަތުން ވަނީ ސުޕްރީމް ކޯޓުގައި އެދިފައެވެ.
އަދީބު ބޭސްފަރުވާ އަށް ދާން ހުއްދަދީފައިވާއިރު، މިހާރު އެމަނިކުފާނު ތަންފީޒު ކުރަމުން ގެންދަވަނީ ކޯޓު ހުރުމަތް ކެނޑިކަމުގެ ކުށުގައި ކުރި 15 ދުވަހުގެ ހުކުމެވެ. އަދީބުގެ ގޭ ބަންދުގެ މުއްދަތު ހަމަވާނީ ބުރާސްފަތި ދުވަހުއެވެ.
