އަންގާރަ 02 ޖޫން 2020
14 ރޯނު
1441 ޝައްވާލް 10
ފަތިސް 04:34
އިރުއަރާ 05:52
މެންދުރު 12:08
އަސްރު 15:31
އިރުއޮއްސޭ 18:16
އިޝާ 19:34
މަތައިސް ޑެލައިޓް

ބާސާއިން ޑެލައިޓްގެ އެޖެންޓާއެކު މަޝްވަރާތައް އަލުން ފަށައިފި

  • ޑެލައިޓް ހޯދުމަށް ގިނަ ކްލަބްތަކުން އަންނަނީ މަސައްކަތް ކުރަމުން

ކ. މާލެ | 10 ޖޫން 2019 | ހޯމަ 19:50 | 7,162

މަތައިސް ޑެލައިޓް - ގެޓީ އިމޭޖާސް

ބާސެލޯނާއިން އަޔަކްސްއަށް ކުޅެމުން އަންނަ މަތައިސް ޑެލައިޓްގެ އެޖެންޓް މިނޯ ރައޯލާއާއެކު މަޝްވަރާތައް އަލުން ފަށައިފިއެވެ.

އީސްއެސްޕީއެނުން ބުނީ، މެދުކެނޑުމަކަށްފަހު ޑެލައިޓްގެ ޓްރާންސްފާއާ ގުޅޭގޮތުން ބާސާއިން ރައޯލާއާއެކު މަޝްވަރާތައް ފަށާފައިވާ ކަމަށާއި، މި މަޝްވަރާތަކުގައި ޑެލައިޓްގެ ސޮއި ހޯދުމަށް ބާސާއިން ބާރުއަޅަމުން އަންނަ ކަމަށެވެ.

އުމުރުން 19 އަހަރުގެ ޑެލައިޓް ނިމިދިޔަ ޔުއެފާ ޗެމްޕިއަންސް ލީގުގައި އަޔަކްސްއަށް މޮޅު ކުޅުމެއް ދައްކާފައިވާއިރު، އޭނާ ވަނީ ގިނަ ބައެއްގެ ސަމާލުކަން މި ފަހަރުގެ މުބާރާތުގައި ހޯދާފައެވެ.

އެގޮތުން ރިޕޯޓްތައް ބުނާގޮތުން ކުރިޔަށް އޮތް ސީޒަނަށް ގިނަ ކްލަބްތަކުން ޑެލައިޓް ހޯދުމަށް އަންނަނީ މަސައްކަތް ކުރަމުންނެވެ. އޭގެ ތެރޭގައި ޕީއެސްޖީ އާއި ޕްރިމިއާ ލީގުގެ ގިނަ ކްލަބްތައް ހިމެނޭ ކަމަށްވެސް ރިޕޯޓްތައް ބުނެއެވެ.

ބައެއް ރިޕޯޓްތައް ބުނާ ގޮތުން އަޔަކްސްއިން ޑެލައިޓް ވިއްކާލަން ބޭނުމެއް ނުވެއެވެ. ނަމަވެސް ޑެލައިޓް ބޭނުން ވަނީ އަޔަކްސް ދޫކޮށް ބާސާއަށް ބަދަލުވެ، އެ ކްލަބާ އެކު ކާމިޔާބު ހޯދަން ކަމަށް ރިޕޯޓްތައް ބުނެއެވެ.

އަޔަކްސްއަށް 2016 ވަނަ އަހަރުގެ ސީޒަނުގައި ބަދަލުވި ޑެލައިޓް ވަނީ އެ ކްލަބަށް މިހާތަނަށް ކުޅުނު 112 މެޗުގައި 12 ލަނޑު ކާމިޔާބު ކޮށްފައެވެ. އޭނާ ވަނީ އެ ކްލަބާއެކު މި ސީޒަނުގައި ޑަޗް ކަޕްވެސް ކާމިޔާބު ކޮށްފައެވެ.

ނެދަލޭންޑްސް ގައުމީ ޓީމަށް މިހާތަނަށް 15 މެޗު ކުޅެ، އެއް ލަނޑު ކާމިޔާބު ކޮށްފައިވާ ޑެލައިޓް ވަނީ ނެދަލޭންޑްގެ އުމުރުފުރާތަކުގެ ގައުމީ ޓީމުތަކަށް ވެސް ކުޅެފައެވެ.

އެންމެ ފަހުން އަޕްޑޭޓް ކުރީ: 2 މަސް ކުރިން | ރިވިއު ކުރީ: އަބުދުﷲ ނަސީރު އިބްރާހިމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.